Isaiah 43:10 - Hawaii Pidgin Bible

¹⁰ Dis, wat Da One In Charge tell: “You guys goin tell Wat you know bout me. An I wen pick you guys fo work fo me, Fo you guys know who me, An trus me, an know dat I da One. Befo me, neva have anodda god. An no goin get no odda god afta me.

Isaiah 43:10 Referans Kwoze

Isaiah 41:4

Me, Da One In Charge, I da One do all dis stuff, An me da One dat pau do wat I start fo do! Was me, Da One In Charge, wen tell da firs peopo fo come, An all da ones dat wen born afta dem too, An me da One goin tell da las ones wen dey pau!

Isaiah 45:6

An how come I stay do all dat?! I do um fo da peopo all ova da world, From wea da sun come up To wea da sun go down, Know dat no mo anodda god. Me, Da One In Charge. I da ony One.

Isaiah 43:12

I wen tell da peopo wassup, An get um outa trouble, An make shua dey hear all dis. No was some odda god from anodda place Dat do all dat stuff. An you guys, you can tell dem ova an ova Wat you wen see me do, Dat I da God fo real kine.” Az wat Da One In Charge tell.

Jesus Guys 1:8

But you guys goin get spesho kine powa wen da Good An Spesho Spirit take charge a you. An den you guys goin tell da peopo in Jerusalem wat you know bout me, an same ting fo da peopo all ova Judea, Samaria, an all ova da world.”

Philippi 2:7

He let um all go Fo him come one pooa worka guy, An come jalike peopo. Wen da peopo see him, Dey tink he jus one guy.

Isaiah 42:1

Da One In Charge tell, “Dis da guy dat work fo me. I kokua him. He da guy I pick awready. I feel good inside cuz a him. My Spirit stay inside him. He goin do wass right Fo all da peopo inside da diffren countries.

Isaiah 41:20

I goin do dat fo peopo see um. Dass how dey goin know Dat was me, Da One In Charge, wen do all dat Cuz I get da powa fo do um. Dey goin tink plenny bout um, An try fo undastan, Cuz was me, da Good An Spesho God fo da Israel peopo, Wen make all dat.”

Jesus Show 1:2

Me, I stay telling wat I see an hear—da tings God tell, an da trut bout Jesus Christ.

John 20:31

But da tings I wen write, I write um so you guys goin stay shua fo real kine dat Jesus da Christ Guy, da Spesho Guy God Wen Sen, an he God Boy. Wen you guys trus him, you goin live foeva fo real kine cuz you his guys.

John 15:27

Same ting, you guys goin tell wat you know bout me too, cuz you guys stay wit me from da start.”

Isaiah 41:8

“But you Israel peopo dat work fo me An come from Jacob, I wen pick you guys. You get Abraham fo yoa ancesta, An he my fren.

Jesus Show 1:5

An Jesus Christ, da Spesho Guy God Wen Sen, I like him do plenny good tings fo you guys. Can trus him fo tell da trut bout wat God tell him. He da firs One dat come back alive from mahke. He da main leada ova all da kings inside da world. He da One dat get love an aloha fo us guys. He wen bleed an mahke, An make us come clean From all da bad kine stuff we do.

1 Corint 15:15

Plus, dat make peopo tink us wen bulai wen we tell peopo how God stay. Cuz dis wat we tell um bout God: “He wen make Christ come back alive afta Christ mahke!” Dass wat we tell um. Us no bulai no moa, you know. But if az true, dat da mahke peopo no can come back alive, den soun jalike az true wat dose guys tell. Dey tell dat wen Christ wen mahke, God neva make Christ come back alive. But dey wrong!

Jesus Show 3:14

Den da One I wen see tell me, “Da messenja guy I wen sen fo help da peopo dat come togedda fo church Laodicea side, write one letta to him, an tell um dis: “Da One dat stay true, he tell eryting jalike happen fo you trus wat he tell. He da one wen start eryting dat God make inside da world. Dis wat he tell:

Colosse 1:7

You wen learn um from Epafras. He one worka fo God jalike me an Timoty, an we get plenny aloha fo Epafras. Christ wen give him da job fo kokua you guys, an he stay do one good job.

Isaiah 55:4

Look! Da one I wen make da promise bout, I let him tell all da diffren peopos wat I stay do, An be dea leada guy, an give dem my Rules.

Rules Secon Time 4:35

“Da One In Charge wen show you guys all dese tings fo you guys know dat Da One In Charge, he da God fo real kine! No mo any odda God, ony him!

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Songs 102:27

But you, you stay hea. You no goin mahke eva.

Isaiah 45:5

Me, Da One In Charge! No mo anodda One. No mo anodda God, ony me. I goin make you come strong, Cyrus, Ready fo fight, No matta you donno who me.

Isaiah 48:12

“You Jacob peopo from da Israel ohana, Lissen wat I tell you guys. You da guys I wen call Fo come my peopo. I da One dass God fo real kine. I da One from da start, An mo den dat, I goin be da las.

Isaiah 49:23

You Jerusalem guys, You goin get king guys fo take kea yoa kids An be jalike dea hanai faddahs, An da alii wahines goin be Jalike da muddahs fo breas feed yoa kids. Dey all goin go down Wit dea face on top da groun Fo show respeck fo you Jerusalem guys, Jalike dey stay eating da dirt on top yoa feet. Den, you guys goin know dass me, Da One In Charge. Da peopo dat wait fo me, fo see wat I goin do, No way dey goin come shame!”

Haggai 2:23

“Da One In Charge, Da God Ova All Da Armies tell: ‘Dat time, I goin take you, my worka guy Zerubbabel, Shealtiel boy. I goin make you jalike my spesho ring fo seal my paypas, cuz I wen pick you.’ ”

Outa Egypt 8:6

So Aaron put out his hand ova all da watta inside Egypt. Da frogs come up. Dey cova all da groun inside Egypt.

Rules Secon Time 4:39

“Today you gotta know dis, an tink bout um plenny—dat Da One In Charge, da God inside da sky up dea, an he da God fo da earth down hea too! No mo anodda God!