Isaiah 41:7 - Hawaii Pidgin Bible

⁷ So da guy dat shape da metal Fo make one idol kine god, Wen he give da idol to da guy dat put da gold on top da idol, He give one good kine word to da guy. An da guy dat use da hamma Fo make da gold come smooth, Wen he give da idol to da guy dat poun da anvil, He give one good kine word too. He tell um, ‘Good, da way you put um togedda, aah?!’ Afta, dey poun da nails in da idol kine god So da ting no fall down!

Isaiah 41:7 Referans Kwoze

Jeremiah 10:9

Dey bring thin kine silva from Tarshish in Spain, An gold from Ufaz. Da guys dat know how fo make idol kine gods An put gold on top um, An put blue an purple clotheses on top um too.

Local Leadas 18:24

Micah tell, “You guys take da gods I wen make, an my pries guy, an go way. Now I no mo notting! How come you guys tell, ‘Bodda you?!’ ”

Isaiah 41:6

Erybody help each odda fo come in front me. Dey tell dea braddahs, ‘Come strong!’