Isaiah 41:4 - Hawaii Pidgin Bible

⁴ Me, Da One In Charge, I da One do all dis stuff, An me da One dat pau do wat I start fo do! Was me, Da One In Charge, wen tell da firs peopo fo come, An all da ones dat wen born afta dem too, An me da One goin tell da las ones wen dey pau!

Isaiah 41:4 Referans Kwoze

Jesus Show 22:13

I da firs one from befo time, an da las, da start an da end, A an Z.

Isaiah 48:12

“You Jacob peopo from da Israel ohana, Lissen wat I tell you guys. You da guys I wen call Fo come my peopo. I da One dass God fo real kine. I da One from da start, An mo den dat, I goin be da las.

Jesus Show 1:17

Wen I see him, I go down by his feets jalike I mahke. Den he put his right hand on top me an tell, “Eh, no sked! I da One dass firs an las.

Isaiah 41:26

Wat god you tink wen tell bout dis From da time eryting wen start, Fo us guys know who him?! Da odda gods no can tell dis! Wat god talk bout um befo time Fo us tell, ‘Eh, dat one get um right!’ Da odda gods no can tell dis! Fo shua, nobody talk bout dis befo time. Nobody eva hear notting From all you gods, O from some odda guy.

Isaiah 46:10

From da start, I da One stay tell How da end goin come. From long time befo time, I tell tings Dat nobody do yet. I da One tell dis: “Da plan I make, Az how goin happen. I goin do eryting how I like fo do um.”

Isaiah 43:10

Dis, wat Da One In Charge tell: “You guys goin tell Wat you know bout me. An I wen pick you guys fo work fo me, Fo you guys know who me, An trus me, an know dat I da One. Befo me, neva have anodda god. An no goin get no odda god afta me.

Jesus Guys 17:26

From one guy, God make all da diffren peopos fo live all ova da world. He set up da times an da places fo dem stay.

Jesus Show 1:8

Da One In Charge, he tell, “I eryting, from firs to las, A to Z.” He da One dat stay now, dat stay from befo time, an dat goin stay foeva! Him da One dat get all da powa!

Isaiah 42:24

Wat god wen let da odda guys Take da Jacob ohana an rip um off?! No was anodda god! Wat god wen let peopo Go take da Israel peopo stuffs?! No was anodda god! Was Da One In Charge let um do dat! An was us Israel peopo Dat wen do bad kine stuff agains him! Oua peopo neva like do notting Da way he tell us fo do. Dey no like lissen his Rules.

Jesus Show 2:8

Den da One I wen see tell me, “Da messenja guy I wen sen fo help da peopo dat come togedda fo church Smyrna side, write one letta to him, an tell um dis: “Da One dass firs an las, da One dat mahke an den come back alive, dis wat he tell:

Jesus Show 1:11

He tell, “Write down inside one book da stuff you goin see, an sen um to da peopo inside da seven churches, da ones inside Efesus, Smyrna, Pergamum, Tyatira, Sardis, Philadelphia, an Laodicea.”

Isaiah 40:12

“Da One In Charge, he da One Put all da ocean watta inside his hand Fo tell how plenny get. Wit his open hand he check out da sky Fo tell how wide dat. He put all da dirt inside da world inside one box Fo tell how plenny get. He put all da mountains an hills on top da scale Fo tell how heavy dem.

Jesus Guys 15:18

Dass wat Da One In Charge tell, He da One dat do all dis stuff An he tell us dis long time befo time.’ ”

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”

Matthew 1:23

“Lissen up! One young wahine Who neva sleep wit nobody, Goin get hapai. She goin born one boy. Dey goin name him Emmanuel.” (“Emmanuel” mean, “God stay hea now wit us guys.”)

Isaiah 40:26

Eh, you guys, look up inside da sky! Who you tink wen make all dis stuff?! Az da same One bring out da stars one by one. Get plenny a dem, jalike one army! He call da name fo ery star. Cuz God stay strong an get plenny powa, Ery star stay dea wen he call dea name.

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Songs 102:27

But you, you stay hea. You no goin mahke eva.

Isaiah 41:3

Dis guy from da east side, He chase da peopo dat stay agains him, An den he go some mo Cuz nobody goin hurt him. Da way he goin go, He neva go dat way befo time.

Isaiah 43:13

“An from long time befo time, I God. Wen I use my powa, No mo nobody can make me stop. Wen I do someting, No mo nobody can change um An make um jalike was befo time.”

Songs 102:28

Us guys dat work fo you, an oua kids, We goin stay dea in front you. Da peopo dat goin come from oua kids, Dey goin stay solid, Cuz you stay watch out fo dem.”

Isaiah 41:20

I goin do dat fo peopo see um. Dass how dey goin know Dat was me, Da One In Charge, wen do all dat Cuz I get da powa fo do um. Dey goin tink plenny bout um, An try fo undastan, Cuz was me, da Good An Spesho God fo da Israel peopo, Wen make all dat.”