Isaiah 34:5 - Hawaii Pidgin Bible

⁵ Da One In Charge tell, “Afta I use my sword inside da sky Fo wipe out da bad peopo dea, An get blood all ova um, Den, cuz I da judge, I goin use my sword fo bus up da Edom peopo An wipe dem all out.”

Isaiah 34:5 Referans Kwoze

Jeremiah 46:10

But Da One In Charge a me stay in charge a dat day too! He da God Ova All Da Armies! Dass wen he goin pay back Da peopo dat stay agains him. His sword goin kill peopo Till dey all mahke die dead. Cuz Da One In Charge a me, Da God Ova All Da Armies, Goin make sacrifice In da north country by da Eufrates Riva!

Malakai 1:4

“Da Esau peopo dat live inside da Edom land tell: Us guys stay all bus up, but we goin come back an build eryting dat wen get smash! “But me, Da One In Charge, Da God Ova All Da Armies, I tell: Wateva dey goin build, I goin bus um up. Wen odda peopos talk bout dem, dey goin call da Esau land ‘da land wea peopo dat do bad kine stuff stay,’ an ‘da peopo dat Da One In Charge put kahuna on top dem foeva’

Isaiah 63:1

Da watcha guy tell: “Eh! Who dat guy stay come from da Edom land, From dea main town Bozrah? His clotheses, all red on top! Who dis awesome looking guy, He stay wear real nice clotheses? He march strait, an he real strong! “Da guy tell, ‘Me, I da One get da right fo talk, Cuz I do wass right! I get plenny powa fo get peopo outa trouble!’

Matthew 25:41

“Den I goin tell da odda guys on my lef side, ‘Get outa hea, you guys! God goin punish you guys! You goin go inside da fire dat stay ready fo da Devil an his angel messenja guys. An dat fire no goin pio eva!

Zefaniah 2:12

“You Sudan peopo too, I goin kill you wit my sword!”

Jeremiah 47:6

Da Filisha guys tell, “Ho! Da armies dat stay come, Dey jalike one sword Da One In Charge use. How long da sword goin kill peopo? Da sword no goin go back inside da sword bag. No go kill nobody no moa! You no like res, o wat?!”

Isaiah 24:6

Dass why God put kahuna on top da world Fo burn up eryting dea. All da peopo dat live dea, Dey gotta suffa cuz dey wen do wrong. Dass why, from da ones dat live on top da earth, Ony litto bit peopo stay now.

Songs 137:7

Da One In Charge no foget Wat da Edom peopo wen do Da time da Babylon army guys wen take ova Jerusalem town. Dey wen yell, “Bus up da place! Wipe da place to da groun!”

Songs 17:13

Eh! You Da One In Charge! Go afta dem guys! Face um an throw um down! No let um get away! Use yoa sword, Fo make shua da bad kine guys no goin hurt me!

Rules Secon Time 32:14

He give um sof cheese from dea cows An milk from dea sheeps an goats, An da bestes kine meats from da bebe sheeps an goats, An meat from da big kine sheeps Dat stay Bashan side, an goats, An wheat dat get big seed. He let um drink da juice From da grapes, da red wine.

Jesus Show 1:16

Inside his right hand, he hold seven stars! From outa his mout, come one sword dat get da two side sharp! His face stay shine, jalike wen da sun shine real strong!

2 Peter 2:14

Dey ony like check out da wahines fo try make um fool aroun behind dea husban back. Dey buckaloose fo do bad kine stuff. Dey stay look fo peopo dat ony trus God litto bit fo dem try make um do bad kine stuff. Dey ony good fo make peopo come mo an mo greedy. God goin punish dem fo shua!

Galatia 3:10

Whoeva try fo do eryting da Rules tell um fo do fo get um right wit God, dey get one kahuna on top dem. Cuz da Bible tell, “Erybody dat no stay do eryting da Rules From God tell us fo do, dey get one kahuna on top dem.”

1 Corint 16:22

Anybody dat no mo love an aloha fo Da One In Charge, dey goin get punish fo shua! “Marana Tha!” You know wat dat mean? “Eh, Boss! Come back!”

Isaiah 43:28

Az why I put kahuna On top da main leada guys Fo da Temple Dat Stay Spesho Fo Me, So dey no can come inside fo pray. An I tell dem dat I wen put kahuna On top da Jacob ohana fo wipe dem out. Erybody goin talk bad Bout da Israel peopo.”

Isaiah 65:12

I tell you guys wass goin happen bumbye! All you guys goin go down on yoa knees, An da army guys dat kill da prisonas wit dea swords Goin kill you guys da same way! Cuz I wen yell to you guys, but you neva ansa. I wen talk, but you guys neva lissen. You guys wen do wass bad, Da way I see um. An you guys wen pick da kine stuff Dat I no like fo you do, an you still do um.”

Ezekiel 32:29

“Da Edom kings an all dea princes stay dea too. No matta dey stay strong befo time, dey lay down ova dea wit da guys dat get kill wit swords. Dey lay down dea wit da guys dat no mo da mark from God. Az da guys dat go down inside da Deep Dark Hole.

Ezekiel 35:1

Get anodda message fo me from Da One In Charge. He tell:

Ezekiel 35:8

I goin pile up yoa Edom mountains wit yoa Edom guys mahke bodies. Da peopo dat get kill wit swords goin fall down on top yoa hills an inside yoa valleys an gulches an watta channels.

Ezekiel 35:15

Cuz you Edom guys wen dance an sing an stay good inside wen odda guys wase da Israel peopo property, az how I goin make to you guys! You Seir Range peopo, an all you Edom peopo, I goin let odda guys wase you guys land an make eryting dea come skery. Den peopo goin know dass me Da One In Charge do all dat!”

Isaiah 21:11

Get heavy kine stuff fo tell bout Dumah, Da Edom land, wea nobody stay awready. Somebody stay yell to me From da Seir Range, Edom side: “You dat stay watch ova dea, How much time lef dis nite? Wen da dark no goin be no moa?”

Ezekiel 36:5

Me, Da One In Charge, da Boss, tell dis: I stay real huhu jalike one hot fire! I stay huhu wit da odda nations an wit all da Edom peopo cuz dey get bad attitude, an make jalike dey get good fun wen dey take ova my property. Az cuz dey like rip off da grass land fo dea sheeps eat ova dea.

Zefaniah 1:7

“Shhh! No talk notting in front da Boss, Da One In Charge! Cuz pretty soon, da time goin come Wen Da One In Charge goin judge an punish erybody! Cuz Da One In Charge make ready fo kill da Judah an Jerusalem peopo, Jalike dey one sacrifice! Da One In Charge tell da nations Dat stay agains Judah fo come fo kill dem.