Isaiah 34:12 - Hawaii Pidgin Bible

¹² Da Edom alii guys, Dey goin call dea land “Da Place Wea No Mo King Cuz No Mo Notting,” Cuz all da alii guys gone awready.

Isaiah 34:12 Referans Kwoze

2 Corint 12:11

You guys wen ack jalike God neva sen me. Dass why I wen talk lolo kine. But den, mo betta you guys talk good bout me. No matta I notting, dese supa guys dat tell God wen sen dem, dey not mo betta den me.

1 Corint 13:2

An if I was one guy dat talk fo God, an I wen know all kine secret stuffs an all da kine stuffs dat da smart guys know, an if I wen go all out fo trus God fo make da mountains move, but I no mo love an aloha, den wat? Az poho all dat!

1 Corint 8:4

So den, even if da peopo make one sacrifice to da idol kine gods, an den somebody go eat dat food, we all know dat da idol kine gods inside dis world not da real God. Jalike da Bible tell, “Ony get one God dass fo real, an all da odda gods no mean notting.”

Jeremiah 39:6

Ova dea Riblah side, da Babylon king tell his army guys kill Zedekiah boys in front Zedekiah. Da Babylon guys kill all da alii guys from Judah too.

Jeremiah 27:20

Nebukadnezzar neva take dat stuff away, da time he wen catch Koniah, Jehoiakim boy, da king fo Judah. He make him prisona an take um away from Jerusalem to Babylon, wit all da alii guys from Judah an Jerusalem.

Isaiah 41:24

But you idol kine gods, you notting, An wateva you do, no worth notting. Whoeva pick you guys, dey pilau.

Isaiah 40:23

He da One make da importan peopo come notting. He make da judge guys all ova da world jalike dey notting.