Isaiah 34:1 - Hawaii Pidgin Bible

¹ Go come nea by me ova hea, you peopo Inside da diffren countries Fo lissen wat I tell. I like all da peopos all ova da world, An eryting dat stay hea An grow hea inside da world fo lissen.

Isaiah 34:1 Referans Kwoze

1 Corint 10:26

Da Bible tell, “Da One In Charge, he own da world, an eryting inside da world too,” you know.

Isaiah 43:9

Da peopo inside all da countries, Dey come togedda an get meeting. Who from dem can tell us guys Bout all dis stuff dat stay happen now, An all da stuff dat wen happen befo time? Good dey bring in plenny guys Fo show proof dat dey stay tell da right stuff. Den da odda peopo goin hear, An tell, ‘Az true!’ ”

Isaiah 41:1

Da One In Charge tell: “No tell notting, jus lissen, You islan peopos! An all you peopos, try fo change Fo come mo strong. Try come ova hea by me, Den we talk. Good erybody come togedda by me, da Judge.

Isaiah 1:2

Lissen, erybody in da world an inside da sky, Cuz me, Da One In Charge, da Good Boss, stay tell you dis: “I wen take kea da Israel peopo Jalike dey my kids, an help um grow up. But still yet, dey go agains me.

Jeremiah 22:29

Lissen up! Even da Judah land Gotta lissen up good, wat Da One In Charge tell!”

Isaiah 33:13

“You guys dat stay far place, Lissen wat I wen do! You guys dat stay nea me, Make shua you know I get plenny powa!

Rules Secon Time 32:1

Lissen, peopo on top da earth an in da sky, Lissen wat I goin tell.

Jesus Show 2:7

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um da right fo eat from da tree Dat make peopo come alive fo real, Dat stay inside God Beautiful Place.

Isaiah 49:1

You peopo inside da islans, lissen me! You peopo inside da far countries, lissen up too! Befo I born, Da One In Charge, he da One call me fo be his guy. From da time I born, he tell peopo bout me Cuz he know who me.

Isaiah 18:3

God tell dis: “All you peopo dat stay live inside da world, Wen I put up my war flag on top da mountains, You goin see um. An wen da trumpet make noise, You goin hear um.”

Songs 96:10

Tell all da diffren nations, “Da One In Charge, he da King! Fo shua, da world stay solid, No can throw um off. Wen Da One In Charge judge all da diffren peopos, He judge um da right way!”

Songs 50:1

Da God Wit All Da Powa, Da One In Charge, he tell dis. He tell da peopo From all ova da world Fo come by him, From da place wea da sun come up, To da place wea da sun go down.

Songs 24:1

Da One In Charge, he own Da whole world an eryting dea. He own da land An all da peopo dat live dea.

Local Leadas 5:31

Deborah tell: “Da One In Charge, I like all da guys dat stay agains you, come wipe out! But I like da peopo dat get love an aloha fo you, Come jalike da bright sun wen stay shine in da sky.” Den da peopo res, an no fight nobody fo forty year.

Local Leadas 5:3

“Hear dis, you king guys! Lissen, you leada guys! I goin sing fo Da One In Charge. I goin sing! I goin make one mele fo Da One In Charge, Da God fo da Israel peopo.

Rules Secon Time 4:26

Jalike I goin call da sky an da earth fo see wat you guys do today, fo dem grumble bout you guys if you no do wat I stay tell you guys. Cuz if you guys no do um, you goin mahke real fas inside da land wea you guys stay cross da Jordan Riva fo take charge. Den you guys no goin live ova dea long time, but you guys goin be wipe out fo shua.

Start 6:13

God tell Noah, “I look all da peopo in front me. All ova da world, dey ony figga how fo bus up each odda. But me, you know wat I goin do? I goin wipe um all out big time!

Isaiah 48:16

Go come nea me, you guys, An lissen dis. From da firs ting I tell, till now, I neva hide wat I tell. Wen da ting happen, I stay dea.” An now, Da One In Charge a me Sen me, Isaiah, fo tell dis, An he sen his Spirit too.

Ezekiel 38:17

“Dis wat me Da One In Charge, da Boss, tell: Fo shua, you Gog da one I wen talk bout befo time. I wen tell my worka guys, da ones inside Israel dat talk fo me fo talk bout you. Long time dey talk fo me lidat. My worka guys tell I goin make you go agains my Israel guys.

Obadiah 1:1

Dis tell wat da Boss, Da One In Charge, show Obadiah bout da Edom peopo dat come from Esau: Us guys wen hear dis Good Kine Stuff from Da One In Charge. Get one messenja guy he wen sen to da nations fo tell dis: “Make ready! We goin fight Edom!”

Isaiah 63:1

Da watcha guy tell: “Eh! Who dat guy stay come from da Edom land, From dea main town Bozrah? His clotheses, all red on top! Who dis awesome looking guy, He stay wear real nice clotheses? He march strait, an he real strong! “Da guy tell, ‘Me, I da One get da right fo talk, Cuz I do wass right! I get plenny powa fo get peopo outa trouble!’

Jeremiah 49:7

Bout da Edom peopo, dis wat Da One In Charge, da God Ova All Da Armies, tell: “No mo nobody Teman side Dat know wat fo do erytime, o wat? No mo nobody dat undastan stuff An can help odda peopo make one good plan? Da ones dat befo time wen know wat fo do erytime, Now, dey come good fo notting, aah?