Isaiah 33:6 - Hawaii Pidgin Bible

⁶ All da time you stay alive, Da One In Charge goin be jalike one solid foundation fo you. He goin do plenny good tings fo you— Get you outa trouble, Help you know wat fo do erytime, Help you know how fo do stuff. Wen you Jerusalem peopo get respeck Fo Da One In Charge fo real kine, Goin be jalike az rich kine stuff he give you.

Isaiah 33:6 Referans Kwoze

1 Timoty 4:8

Wen one guy work out fo make his body come strong, dass good fo some tings. But gotta do da tings dat God like. Dass good fo eryting, fo da life ova hea inside dis world, an fo da real kine life we goin get bumbye.

Matthew 6:33

Main ting, make God Da One In Charge a you, cuz he da King. Do da right ting jalike he do, an you guys goin get all da stuffs you need.

Smart Guys 19:23

If you feel jalike you sked wen you in front Da One In Charge, Den you goin get one good kine life! You goin feel jalike eryting goin be okay, An no way you goin get trouble.

1 Timoty 6:6

You know, if we do stuff fo God how he like, an stay good inside, den we goin come rich inside.

Teacha 7:19

One guy dat know wat fo do erytime Get mo powa den ten a da leada guys inside his town.

Smart Guys 14:27

Wen you get awesome respeck fo Da One In Charge, Dass how you get life. Dass how you can stay away From da kine trap dat can kill you.

Songs 28:8

Da One In Charge, He da One make his peopo strong. Da king dat Da One In Charge wen pick, Da One In Charge get him outa trouble. Da One In Charge, He jalike one strong wall, Az why no mo notting can hurt da king.

Isaiah 51:6

Look up to da sky. Look down at da earth. Da sky goin go way, jalike smoke. Da earth goin come boros, jalike da boros clotheses. All da peopo on top da earth goin mahke, jalike small bugs. But I goin get my peopo outa trouble all da time. I still yet goin do wass right fo da peopo, all da time.

Teacha 7:12

Wen you know wat fo do erytime, Az jalike one roof ova yoa head. An money, az jalike one roof ova yoa head too. But fo know plenny stuff stay mo betta, Cuz da guy dat know wat fo do erytime, Dat goin make him stay alive long time.

Smart Guys 28:2

Wen da peopo inside one land go agains da govmen, Get plenny peopo like stay in charge. But wen da govmen get somebody Dat undastan how tings gotta be an know plenny stuff, Eryting stay good, long time.

Smart Guys 15:16

If you ony get litto bit stuffs, But you get awesome respeck fo Da One In Charge, So dat you stay sked a him. Dass mo betta den wen you get plenny stuffs But yoa head stay all jam up.

Songs 140:7

You Da One In Charge! You da Boss fo me! You strong fo get me outa trouble. You make shua I no get hurt Wen get war.

Songs 45:4

You da winna erytime! Az why you get respeck! Az why wen you ride on top yoa horse Cuz you da leada guy, You fight fo show Dat peopo can trus you. An you show dat you no mo big head Wen you do wass right. I like fo you use yoa strong powa Fo do awesome kine tings.

2 Corint 6:10

We stay sad inside, but same time we erytime stay good inside. We no mo money, but den, us stay make plenny peopo rich inside. Jalike we no mo notting, but we still yet get eryting.

Smart Guys 29:4

Wen da king judge da right way, Make da whole land come strong. But if get somebody dea dat make peopo give um unda da table kine money, He make da whole land come mo worse!

2 Kings 18:7

Cuz a dat, Da One In Charge stay tight wit him erytime. Eryting Hezekiah do, God make um come good fo him. Wen da Assyria king try fo take ova da country, Hezekiah no let um. He neva let da Assyria king be da boss ova him.

Smart Guys 14:26

Wen you get awesome respeck fo Da One In Charge, You know notting bad goin happen to you, An yoa kids goin stay wea nobody can hurt um.

Isaiah 11:9

All ova da mountain dat stay spesho fo me, Nobody goin hurt o wipe out nobody. Cuz all ova da world, erybody goin know me, Da One In Charge, Jalike all ova da ocean, da watta stay cova eryting.

Isaiah 26:1

Dat time, goin get dis song fo us sing Judah side: Oua big town stay strong fo shua. Da One In Charge Keep us guys outa trouble. Jalike he da strong wall fo us guys An da extra wall outside oua big town.

Isaiah 33:20

Check out Mount Zion! Dass da place we goin make Da spesho religious kine ceremony. You goin see Jerusalem town Goin come one place Wea you can res an no need worry. Goin be jalike one tent dat nobody goin move um Fo take um anodda place. No mo nobody goin pull up da stakes. Nobody goin broke da ropes.

Isaiah 45:17

But you Israel peopo, you goin get outa trouble Cuz you stay tight wit Da One In Charge. An da way he get you outa trouble, goin be foeva! You no goin get shame, An nobody goin make you come shame no moa, foeva!”

Isaiah 51:14

Da prisona guys dat stay sked, Pretty soon dey goin come outa da prison. Dey no goin mahke inside dea, An dey no goin come hungry.

Job 4:6

Fo shua, you get awesome respeck fo God, An dat goin make you stay shua. If you know you no mo blame fo notting, Az goin help you wait fo God do someting.

Smart Guys 2:5

Cuz if you do dat, Den you goin undastan fo real kine Wat mean, ‘You betta come sked Da One In Charge.’ An bumbye you goin know God.

Smart Guys 14:24

Da peopo dat know wat fo do erytime, Da stuff dey get, show dey know wat dey stay do. Da stupid head kine peopo wit attitude, Da stupid kine stuff dey do, show dey stupid.

Isaiah 32:17

An cuz peopo stay do wass right, Dat goin make tings come good fo erybody. An wen dey stay do wass right Dey goin stay quiet an trus God all da time.

Isaiah 32:18

My peopo goin stay inside places Wea eryting come good fo dem. Dey goin live inside places Wea dey can stay shua notting bad goin happen, Places wea dey goin res An no need worry bout notting.

Jeremiah 31:34

One guy no need teach his fren O his braddah no moa, an tell um, ‘Know Da One In Charge.’ Cuz dey all goin know me, Da One In Charge, From da kine guys dass not importan, to da kine guys dass importan.” Az wat Da One In Charge tell. “Cuz I goin let um go fo da stuffs dey wen do wrong, An hemo dea shame fo all dat. I no goin even rememba da bad kine stuffs dey wen do.”

Habakkuk 2:14

Cuz jalike da watta fill up all da oceans, All da peopo dat fill up da world goin know How awesome me Da One In Charge stay!