Isaiah 33:10 - Hawaii Pidgin Bible

¹⁰ But Da One In Charge, he tell, “Now, I goin stan up an start fo do tings! Now I goin show peopo how big me! An peopo goin know dat I importan!

Isaiah 33:10 Referans Kwoze

Songs 12:5

But Da One In Charge, dis wat he tell: “Get peopo dat like wipe out Da peopo dat no mo notting An need plenny stuff. An get peopo dat need somebody Fo take kea dem, an dey moaning. Cuz a dat, I goin do someting! I goin do wateva I gotta do Fo get dem outa trouble, Cuz fo shua, dass wat dey like me fo do!”

Amos 6:1

Amos tell dis too: “Bummahs, you guys dat no worry bout notting on top Zion hill, Jerusalem town! An Bummahs, you guys Samaria town dat stay shua notting goin hurt you! Bummahs! You da leada guys fo yoa countries, An da Israel ohana peopo go by you guys fo get help!

Zefaniah 3:8

Da One In Charge tell: “Az why wait fo me, Fo da day I goin stan up fo poin finga da Jerusalem peopo. Cuz I make up my mind awready Fo bring togedda all da peopos an dea kings. An I goin make dem know dat I stay real huhu wit dem. I goin burn up all da peopo inside da world, Cuz I go all out fo no let um go down in front odda gods!

Isaiah 10:33

But you know, Da Boss, dass Da One In Charge, Da God Ova All Da Armies, He goin wipe out da Assyria army an dea mo bigga leadas, Jalike he chop down one big tree wit one ax!

Isaiah 10:16

Cuz a dat, Da One In Charge, da Boss, da God Ova All Da Armies, He goin make da big Assyria army guys Come sick an skinny, An come mo an mo weak jalike get feva. Fo shua, God goin light one fire Dat goin burn up all da awesome stuff Dat da Assyria king wen get.

Songs 78:65

But den, jalike da Boss Up Dea Wen wake up afta he sleep, Jalike one army guy drink wine, But den he wake up ready fo fight.

Songs 46:10

He tell: “No fight! No foget dis: Me God! All da diffren nations goin know Dat I da main one. All ova da world Dey goin know dis!”

Songs 7:6

Eh! You Da One In Charge! Do someting! Get mad an stan up fo fight! Da guys dat stay agains me, Dey all huhu, so go afta dem! Do someting fo help me, You da judge dat tell wass right!

Outa Egypt 14:18

Wen I make lidat to da Pharaoh guy, his war wagons, an his horse rida guys, an I show erybody how awesome I stay, den da Egypt peopo goin know fo shua, dat me Da One In Charge fo real kine!”

Isaiah 2:21

Dey goin go inside da cracks in da rocks An da pukas in da pali, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

Songs 94:16

You tink get somebody stan up Fo help me Wen da bad guys Come afta me, o wat?! You tink somebody hang in dea wit me Agains da peopo Dat stay do bad tings, o wat?! No way!

Isaiah 2:19

Peopo goin go inside caves inside da big rocks, An inside da big kine pukas undaneat da groun, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

Isaiah 5:16

But Da One In Charge, Da God Ova All Da Armies, Cuz he stay judge da right way, Peopo goin know how big him! Him, da God dat stay good an spesho! Peopo goin know how spesho he stay Cuz he do da right ting erytime!

Songs 12:6

An you know, wen Da One In Charge make one promise, Eryting he tell, stay right on, Jalike da kine silva dey melt seven time Fo take out all da junks.