Isaiah 32:4 - Hawaii Pidgin Bible

⁴ Da guys dat talk befo dey tink, Dey goin know an undastan stuff. Da guys dat no can talk good, Dey no goin take long time fo talk, An goin come out good wat dey tell.

Isaiah 32:4 Referans Kwoze

Isaiah 29:24

Da peopo dat stay all mix up inside, Dey goin undastan. Da peopo dat grumble, Dey goin learn how fo figga out stuff.”

Galatia 1:23

Dey ony hear, “Da guy dat make us suffa befo time, now he stay tell erybody fo trus da Good Stuff From God, da same Good Stuff he wen try wipe out befo time.”

Jesus Guys 6:7

Jesus guys go aroun an tell da peopo wat God tell. So had mo an mo peopo inside Jerusalem dat trus God an stay tight wit Jesus guys. An plenny pries guys trus da Good Stuff From God an do wat God tell um fo do.

Jesus Guys 4:13

Da leadas see dat Peter an John talk wit powa an dey not sked. An da leadas know dat Peter an John jus regula guys dat neva go school fo learn, an dat blow dea mind. An dey know dat dese guys, dey wen hang out wit Jesus.

Matthew 16:17

Jesus tell, “Eh, John boy Simon! You goin stay good inside cuz you know dat. No mo nobody from dis world wen teach you dat. Was my Faddah in da sky wen teach you dat.

Matthew 11:25

Dat time Jesus tell, “God, you my Faddah. You Da One In Charge all ova da sky an da world. Mahalo plenny, eh, cuz you show dis kine stuff to da kids, but hide um from da smart guys dat know plenny.

Love Song 7:9

An inside yoa mout, az jalike da bestes kine wine. An I like dat wine go strait to da one I love. An go ova his lips an teet easy kine.

Outa Egypt 4:11

Da One In Charge tell Moses, “Try tink! Who wen make peopo fo dem talk, o no can talk? Who wen make peopo fo dem see good, o no see good? Was me, Da One In Charge, wen do all dat!

Isaiah 35:4

Tell da peopo dat feel sked, “Come strong! An no sked! Fo shua, yoa God goin show up Wen da time come fo pay back Da ones dat stay agains him! He da One goin come, An get you guys outa trouble!”

Isaiah 35:5

Dat time, da peopo dat no can see, Dey goin see. Da peopo dat no can hear, Dey goin hear.