Isaiah 27:8 - Hawaii Pidgin Bible

⁸ God, presha da Israel peopo, But ony litto bit, wen you make dem go way from dea land. You make da Israel peopo go away Jalike wit one strong wind from da east side.

Isaiah 27:8 Referans Kwoze

Hosea 4:1

You Israel peopo, lissen wat Da One In Charge tell. Cuz he stay poin finga at da guys dat live inside da land. He tell: “No can trus dem guys! Cuz dey no stay tight wit me! No mo nobody inside da land know me, God!

Ezekiel 19:12

But da plant get pull out cuz somebody plenny huhu, Dey throw um down on top da groun. Da hot wind from da boonies make um come dry An make da fruits fall down. Da strong branches come dry An da fire burn um up.

Jeremiah 10:24

Show me wat da right ting fo me do Wen I stay do da wrong kine ting, But judge me da right way! No come huhu wit me wen you judge me, Cuz no good you make me come wipe out!

Jeremiah 4:11

Dat time dese peopo an da Jerusalem peopo goin hear, “Da army stay come! Dey jalike one hot dry wind come down from da high rocky places inside da boonies, an blow on top my peopo dat I love. But dis wind, not da kine wind dat ony blow da junks outa da wheat an barley, o dat clean stuff.

1 Peter 1:6

Dass why you guys feel real good inside. No matta now fo ony short time you guys gotta suffa plenny cuz you get all kine hard time.

Hosea 13:15

No matta da Efraim peopo stay good mo den da odda nations, One wind from me Da One In Charge Goin come from da east side boonies. Goin blow ova hea from da boonies. Ery puka dat get watta goin come dry. Odda peopos goin rip off all dea rich kine stuff.

Jeremiah 46:28

“No sked, you Jacob peopo, my worka guys, Cuz I stay wit you guys. No matta I stay wipe out all da peopos Wea I wen make you come dea prisonas, I no goin wipe out all you guys. I goin judge you guys da right way, An den I goin punish you guys, ony fo teach you. I no goin jus let you guys go, But I goin punish you guys.” Az wat Da One In Charge tell.

Jeremiah 30:11

I stay wit you guys An get you outa trouble. No matta I wipe out all da odda peopos Inside all da place you guys stay cuz I wen scatta you, Fo shua, I no goin wipe out you guys. I goin punish you guys fo teach you one lesson, But ony wen you no go da right way. Still yet, I goin punish you guys litto bit.” Az wat Da One In Charge tell.

Jeremiah 4:27

Dis wat Da One In Charge tell: “All da land goin come bus up fo nobody live dea. But I no goin wipe all dem out.

1 Corint 10:13

Wen you guys get chance fo do da bad kine stuff, dass da same ting, jalike wat happen to all da odda peopo. But you know, you guys can trus God fo do wat he tell he goin do. He no goin let you guys get mo plenny presha den you guys can handle. Erytime get presha lidat, God goin make um fo you guys get outa dat. He goin make you guys strong fo handle da presha fo you no fall down.

Isaiah 57:16

Cuz no goin be foeva, Dat I poin finga peopo an stay huhu. Az cuz if I wen stay lidat, Den peopo spirits wen come weak wen dey see me— No matta me da One wen make dem breave.

Isaiah 54:7

Da One In Charge tell: “Eh my peopo, Ony short time I wen leave you guys. But I get plenny love an pity fo you guys, An I goin bring you guys back togedda wit me.

Isaiah 50:1

Dis one spesho message from Da One In Charge: “You guys tink yoa muddah get one divorce paypa Dat I wen make Fo tell dat I wen dump her an sen her away, o wat?! No mo da kine paypa cuz I neva do dat! You tink I owe somebody money An I sell you guys to dem fo pay dem, An az why now you dea slave?! I neva do dat too! Fo shua, I wen sell you guys, But ony cuz you wen do bad kine stuff! I wen sen away you guys muddah But ony cuz you guys go agains me!

Isaiah 10:12

Wen God my Boss pau all he goin do on top Mount Zion inside Jerusalem town wea da Temple stay, den God goin tell, “Now I goin punish da king fo Assyria, cuz he get big head an high nose.

Isaiah 1:5

Eh! How come you guys like Fo God bus up you guys some moa?! How come you guys still stay go agains him?! Yoa head stay sore plenny awready, An inside, you not strong.

Songs 103:14

Cuz Da One In Charge, he know How he wen make us guys. He no foget dat us ony dus.

Songs 78:38

But God, he get pity fo dem, Az why he wen let da peopo go Fo da wrong tings dey wen do, An why he neva wipe dem out. Ova an ova, God wen hold back Da way he feel bout dose peopo, An he neva bus um up, No matta he stay huhu wit dem.

Songs 76:10

Wen peopo come real huhu, Dat show proof dat you da bestes. An if dey stay had it wit you still yet, Dat make you look good.

Songs 38:1

Eh! You Da One In Charge! Wen you tell me I stay do someting wrong, No come real huhu wit me Wen you give me lickins Fo teach me stuff!

Songs 6:1

Eh! You Da One In Charge! No scold me wen you stay huhu! No punish me wen you stay mad!

Job 23:6

You tink he goin use his powa fo make argue wit me? Fo shua, he goin lissen me!

Songs 103:9

Still yet, God no goin poin finga Us guys foeva, He no goin stay huhu foeva too.

Isaiah 64:5

You come fo help da peopo dat do da right ting An stay good inside cuz a dat, An no foget how you make. But fo shua, wen us still do bad kine stuff, You wen stay huhu! Az why us gotta live how you like us live An live lidat foeva! Dass da ony way us goin get outa trouble!

Sad Song 3:31

You know, wen da Boss throw out his peopo, Az not foeva!

Sad Song 3:32

No matta he make us suffa, He goin show aloha an pity too, Cuz he stay real tight wit his peopo!