Isaiah 26:14 - Hawaii Pidgin Bible

¹⁴ Now, all dose odda boss guys, mahke awready. Dey no goin come back alive no moa, Dea spirits no goin come back. Dass cuz you punish dem awready. You wen bus um up An wipe out eryting bout dem, So peopo no tink bout dem!

Isaiah 26:14 Referans Kwoze

Smart Guys 10:7

Wen you rememba all da good peopo Dat you know from long time, Make you feel good inside. But da bad peopo, dey get pilau name So you no like even tink bout dem.

Isaiah 8:19

Peopo goin tell you, “Go by da wahines dat talk to da mahke peopo, an da guys dat know da kine spirit dat wispa an make small kine noise you no can undastan. Aks dem fo tell you wat goin happen bumbye.” But, eh! Mo betta da peopo go aks dea God wat goin happen, aah?! No make sense talk to da mahke peopo, an tink dat goin help da guys dat stay alive!

Songs 106:28

But da peopo, dey go make frenz Wit da peopo dat pray To da Baal god from Peor side. Dey even eat sacrifice meat Fo da gods dat no stay alive!

Jesus Show 20:5

Dass da firs time God bring back da mahke guys alive. Da odda mahke guys, dey neva come back alive one mo time till afta da tousan year.

Matthew 2:20

“Eh Joseph! Wake up! Take yoa boy an his muddah, an go Israel side. Da guys dat like kill da boy, stay mahke awready.”

Isaiah 10:3

But wat you guys goin do Wen da time come fo God punish you guys? Wen da army guys from far away Wipe you guys out jalike one storm? Wat peopo you guys goin run to Fo dem help you guys? Wea you guys goin leave all yoa rich stuffs Wen you run away?

Songs 109:13

Cut off da peopo dat goin come From da guy dat stay agains me. No let nobody even rememba who da guy.

Songs 9:6

Dass why, da peopo dat stay agains me, Dey all come wipe out. Dea place fo live, gone awready, An no goin come back. You bus up dea towns, An nobody even rememba dea name.

Rules Secon Time 4:28

Ova dea you guys goin come one slave fo da kine idol gods dat peopo make from wood an stone. Dose gods, dey no can see o hear o eat o smell notting.

Outa Egypt 14:30

Dat day, Da One In Charge get da Israel peopo outa trouble from da Egypt army guys. Da Israel peopo see da mahke Egypt guys bodies on top da beach.

Isaiah 26:19

Yoa mahke guys goin come alive one mo time! Da mahke bodies a my peopo goin come up! All you guys dat was inside da dirt, Wake up an yell cuz you feel good inside! Da mahke spirits goin come alive one mo time, All new, jalike da watta dat come on top da grass Wen da light come, morning time, An jalike da earth wen make um come up.

Songs 36:12

Look! Da peopo dat do bad tings to odda peopo, Dey fall down awready! Somebody throw dem down, An dey no can stan up!

Songs 59:5

You, you Da One In Charge. You da God Ova All Da Armies You da God fo da Israel peopo. I like you do someting Fo punish all da diffren peopos! No make nice to all da peopo Dat ack jalike dey oua frenz, But den dey do bad tings to us! (Time out fo da music.)

Songs 135:17

Dey get ear, but dey no can hear notting. Dey no mo life, cuz dey no can breave!

Teacha 9:5

Da peopo dat stay alive know dat dey goin mahke, But da mahke peopo donno notting. Dey no goin get notting back, An erybody goin foget dem.

Isaiah 29:6

From me, Da One In Charge, Da God Ova All Da Armies, Goin come time fo make eryting come good. Goin get thunda, An da groun goin shake, an get big noise. Goin get strong wind, an storm, An fire dat goin wipe out eryting.

Isaiah 37:19

an throw all da idol kine gods da peopo wen make inside da fire an wipe um out. Cuz dose idols, dey not real gods, but ony wood an stone statue.

Job 7:9

Jalike one cloud go way, an no stay no moa, Az how happen wit peopo dat go da Mahke Peopo Place. Dey no come back.

Job 18:17

Nobody in da world rememba dem. Erybody foget wat kine guys dey was.

Job 24:20

I like fo even dea muddahs foget dem, An fo da worms tink dea mahke body sweet fo grind. I like nobody rememba da bad kine guys. All da tings dey wen do dat not pono, goin come wipe out, Jalike one tree dat wen split.