Isaiah 24:10 - Hawaii Pidgin Bible

¹⁰ Da big town stay all bus up, No mo notting inside dea. All da door fo ery house stay shut Fo nobody come inside.

Isaiah 24:10 Referans Kwoze

Jesus Show 18:2

Da angel tell wit one loud voice, “Babylon wen get wipe out! Dat big town pau awready! Now inside dea ony get bad kine spirits, An all kine pilau scavenja birds stay hide dea too!

Luke 21:24

Peopo goin kill some wit swords, an take oddas away. Peopo all ova da world goin make um prisonas. Da peopos dass not Jew guys goin bus up Jerusalem an walk all ova um, till dea time pau.

Luke 19:43

Da time goin come wen da guys dat stay agains you guys goin pile up dirt all aroun yoa town wall fo attack you guys.

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”

Micah 2:13

One guy goin bus open da way an go in front dem. Dey goin bus thru da gate an go outside. Dea king goin go firs befo dey go. Da One In Charge goin lead dem.”

Jeremiah 52:7

Den da Babylon army guys broke down one part a da wall aroun Jerusalem, an all da Judah army guys run away. Dey sneak out from Jerusalem town nite time nea da king garden, thru one gate in da middo a two walls, no matta da Babylon army guys stay all aroun da town. Den da Judah guys take da road to da Jordan Riva valley.

Jeremiah 39:8

Jerusalem side, da Babylon guys burn down da king palace, an da peopo houses, an broke down da town wall.

Jeremiah 39:4

Wen Zedekiah, da Judah king, an all his army guys see dem, dey run away. Dey sneak out from Jerusalem town nite time thru da king garden, thru one gate in da middo a two walls, an go da road to da Jordan Riva valley.

Isaiah 34:11

Ony all kine diffren birds Dat us Jew guys not suppose to eat Goin stay dea an make dea nes ova dea. God goin make shua da Edom land, No mo notting inside, An no mo shape notting.

Isaiah 32:14

Erybody goin go way from da palace An leave da big town Dat wen get plenny noise befo time. Da hill wit da strong wall an da towas Goin get pukas an caves inside. Da wild donkeys goin like live dea Cuz no mo peopo, An da goats goin get food fo eat ova dea.

Isaiah 27:10

Da big town dat get strong wall Wea nobody can come inside, Nobody stay dea. Jalike da boonies, ony da cows stay dea. Da peopo, all gone awready. Get small cows stay eat grass dea. Dey eat all da stuff from da tree branches. Den dey lay down ova dea.

Isaiah 25:2

I goin tell dat you da greates, Cuz get big towns dat you bus up An make um come one pile a rubbish. Get strong towns wea da army guys no can come inside, You make um all fall down. Da place inside odda countries Wea da peopo build palace, No even get one mo town dea now. No way dey goin build um up one mo time.

Isaiah 24:12

Inside da big town, eryting stay bus up An ony get rubbish dea. Even da town gate stay all smash.

Isaiah 23:1

Me, Isaiah, I get heavy kine stuff fo tell bout wat I see goin happen to da Tyre peopo: All you guys inside da boats dat go Spain side, Cry an yell cuz you stay sad inside. You guys no mo house now, No mo place fo da boats fo go in. Wen da boats come back from Spain An stop Cyprus Islan, Den somebody tell dem Dat Tyre town stay all bus up awready.

2 Kings 25:4

Den da Babylon army guys broke thru da Jerusalem wall. Same time, all da Judah army guys leave da town, nite time. Dey no kea da Babylon guys stay all aroun da town. Dey go thru one gate in da middo a da two small kine walls nea da king garden, den dey run away go inside da Jordan Riva valley.

Start 11:9

An dass how come nowdays dey call dat place Babylon, cuz was dea dat Da One In Charge wen jam up dea language. Dat make all da diffren peopos hea inside da world talk diffren kine. “Babylon” soun kinda like how dey tell “jam up,” Hebrew language. Dass how Da One In Charge make all da diffren peopos go way from Shinar an go all ova da world.

Isaiah 32:19

No matta get hail Dat make all da trees fall down, An all da buildings inside da big town fall down,

Isaiah 26:5

He make da guys wit big head come las. He bus up da big town. He goin make da towns come notting Dat sit on top da hills Fo da army guys no come dea. He make dea wall fall down to da groun, On top da dirt.