Isaiah 23:9 - Hawaii Pidgin Bible

⁹ Was Da One In Charge, Da God Ova All Da Armies! He da One plan um Fo shame all da awesome peopo dat get big head, An make erybody in da world lose face Dat wen get respeck befo time.

Isaiah 23:9 Referans Kwoze

James 4:6

But God like do even mo plenny good tings still yet. Az why da Bible tell, “God stay agains da guy Dat get big head. But da guy dat make shua he da las one, An put da odda guy befo him, God goin do plenny fo dat guy.”

Isaiah 13:11

“I goin make bad kine stuff happen To da peopo all ova da world Cuz dey ony do bad kine stuff. I goin make all da peopo dat tink dey big, Pau get big head. I goin make all da ones dat make erybody sked a dem Come notting.

Isaiah 2:11

Anybody dat get real high nose, Dey goin come shame. Anybody ack real high makamaka, Dey goin come notting. Dat time, Da One In Charge da ony One Da peopo goin talk good bout.

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Efesus 3:11

God, he make dat plan from befo time fo do all dat stuff. An Jesus Christ, Da One In Charge a us guys, he da One dat wen do um.

Efesus 1:11

An cuz us guys stay tight wit Christ, an God wen pick us from befo time fo come his kids, he stay give us all da tings he wen promise fo give us. He make eryting jalike he wen figga befo time. God, he da One dat can make eryting happen how he like happen.

Jesus Guys 4:28

Dey do wat you know from long time befo gotta happen. An you let dem do dat.

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

Jeremiah 51:62

Den tell, ‘Da One In Charge, you da One wen tell dat you goin wipe out dis place! Da peopo an da animals no goin live hea no moa! Ova hea goin stay all wipe out foeva!’

Isaiah 14:27

Cuz me, Da One In Charge, Da God Ova All Da Armies, I awready make dis plan. Who goin stop me? I stay ready fo use my powa. Who goin make me turn aroun an go home?

Isaiah 14:24

Da One In Charge, Da God Ova All Da Armies, Awready make dis promise: “I wen plan um lidis, dass how goin be. I wen tell dat wat gotta happen, dass how goin happen.

Isaiah 10:33

But you know, Da Boss, dass Da One In Charge, Da God Ova All Da Armies, He goin wipe out da Assyria army an dea mo bigga leadas, Jalike he chop down one big tree wit one ax!

Isaiah 9:15

(You know, dea older leadas an da ones dey get respeck fo, Dey jalike da head. Da guys dat tell dey talk fo God, but dey bulai peopo wen dey teach, Dey jalike da tail.)

Isaiah 5:13

Dass why my peopo goin come prisonas An go anodda land, Cuz dey donno notting. Dea importan peopo goin mahke Cuz dey no mo food fo eat, Da odda peopo goin mahke Cuz dey no mo notting fo drink.

Isaiah 2:17

Anybody stay get real high nose, Dey goin come notting. Anybody ack real high makamaka, Dey goin come shame. Dat time, Da One In Charge da ony One Da peopo goin talk good bout.

Songs 107:40

God show dea alii guys, Da ones dat put presha on da peopo, Dat dea alii guys no worth notting, He make da alii guys go hea an dea Inside da boonies, wea no mo road.

Job 12:21

He laugh at da alii guys. He take away da powa dat da strong guys get fo fight.

Isaiah 14:26

Dis wat I wen plan fo da peopo All ova da world. Dass how I stay ready fo use my powa Fo take charge a all da peopos.

Isaiah 23:10

You Tyre peopo dat live Spain side now, Okay fo you go from one end a yoa land to da odda end, Jalike da Nile Riva go all ova Egypt, From one end to da odda end, Cuz no mo notting make you stay one place no moa.

Isaiah 32:13

Cry fo my peopo land Dat ony get thorns an thorn bush stay growing! Cry fo all da house wea erybody Wen dance an sing An fo da town wea dey get plenny party befo time!

Jeremiah 13:9

“Dis how I goin make eryting come poho fo da Judah an Jerusalem peopo, cuz dey ack high makamaka.

Obadiah 1:2

“Look! I goin make you Edom peopo come nobody! Dass how da nations aroun you guys see you! Dey goin tell you guys you good fo notting!

Outa Egypt 8:4

Da frogs goin jump up all ova you, all ova yoa peopo, an all ova all yoa palace guys.” ’ ”

Isaiah 2:12

Da One In Charge, he da God Ova All Da Armies. Goin come one day, he goin go Agains erybody dat get big head, An agains all da peopo dat ack high makamaka. God goin bring down da kine peopo dat tink dey importan. He goin make all dat kine peopo come notting.