Isaiah 23:7 - Hawaii Pidgin Bible

⁷ Fo shua, dis not da same big town Dat erytime stay make party befo time! Dis not da same ol town dat stay from long time befo time. Cuz now, all da Tyre peopo go far away awready. Dey no stay dea no moa. Dey go live wea dey no mo land.

Isaiah 23:7 Referans Kwoze

Isaiah 22:2

All ova Jerusalem town Some a you guys stay yell an moan, An odda guys make party! Same time get mahke guys bodies all ova da place. Nobody wen kill dem wit swords. Dey neva fight in da war, But still yet, dey mahke.

Isaiah 32:13

Cry fo my peopo land Dat ony get thorns an thorn bush stay growing! Cry fo all da house wea erybody Wen dance an sing An fo da town wea dey get plenny party befo time!

Teacha 10:7

I wen see da slave guys ride horse, An da prince guys walk aroun jalike dey slaves.

Joshua 19:29

Den turn back an face Ramah an Tyre, da big town dat get strong wall. Den go Hosah, an come out by da sea nea Akzib,