Isaiah 22:23 - Hawaii Pidgin Bible23 I goin make Eliakim come one strong guy, No mo notting can make him change, Jalike one strong stick Dat stick out from da wall fo hold stuff. Erybody goin get choke respeck fo his faddah ohana, Cuz Eliakim goin be jalike da throne dat hold da king. Gade chapit la |
“An jus now, you oua God, dass Da One In Charge a us, you wen help us plenny fo short time an do good tings fo us. You wen leave some a us guys fo stay alive, an let us come back to dis place dat stay good an spesho fo you. You even make us happy litto bit. No matta we ony slaves, you help us fo stay alive.
Da One In Charge, Da God Ova All Da Armies, Dis wat he tell: “Bumbye, even Eliakim goin come jam up, Jalike wen somebody put one peg fo hang someting On top one solid place an da peg come loose. Somebody goin chop um off, Den da whole load goin fall down An eryting dat hang on top um goin come wipe out.” Da One In Charge, he da One tell all dat.