Isaiah 21:15 - Hawaii Pidgin Bible

¹⁵ Dey wen run away From da guys dat stay chase um wit swords, An from da guys wit bow an arrow dat stay ready fo shoot um, From all da bad kine stuff dat happen wen get war.”

Isaiah 21:15 Referans Kwoze

Isaiah 13:14

“Den, jalike wen peopo chase da small deer, An jalike wen da sheep no mo nobody dat keep um togedda, Erybody goin go back by dea peopo. Dey all goin run away to dea land.

Isaiah 13:15

Erybody dat da army guys catch, Goin get stab. Erybody dey grab Dey goin kill dem wit swords.

Isaiah 17:13

All da army guys from diffren countries make big noise, Jalike da big watta stay running. But God tell um, “No do dat!” An dey run away one far place, Jalike da junk kine stuff from da wheat An jalike da dry weeds in front one storm Dat blow in da wind in da hills.

Isaiah 22:3

Da leada guys fo yoa army Dey all wen run away togedda. Da odda guys no even shoot arrow at dem. Dey jus grab um an tie um up. Da guys from da town come prisonas too, Even da guys dat run away Wen da army guys still yet stay far away from da town.”

Isaiah 31:8

“God goin use one sword dat peopo neva make Fo kill plenny Assyria guys. He goin use one sword dat neva come from dis world An dat goin wipe um out. Da Assyria army guys goin run away from dat sword. Odda peopo goin take da young guys from Assyria away An make um work fo dem.

Isaiah 33:3

Wen da diffren peopos hear you make big noise like da thunda, Erybody run away. Wen you stan up fo fight, Da peopo inside da diffren countries, Dey run all ova da place.