Isaiah 19:19 - Hawaii Pidgin Bible

¹⁹ An dat time, goin get one altar fo make sacrifice fo Da One In Charge inside da middo a da Egypt land, an one big stan up stone by da Egypt borda, fo no foget Da One In Charge.

Isaiah 19:19 Referans Kwoze

Start 28:18

Da nex morning early, Jacob wake up. He take da big rock dat he wen put unda his head fo sleep, an he stan um up jalike one pos, an he pour olive oil on top fo show love an respeck fo God.

Joshua 22:10

Wen dey come Gelilot nea da Jordan Riva inside Canaan, da Reuben ohana, da Gad ohana, an half da Manasseh ohana wen build one big altar dat erybody can see, ova dea nea da Jordan Riva.

Joshua 22:26

“Az how come us guys wen tell, ‘Us goin get ready fo build one altar—but no goin be fo make burn up kine sacrifices o regula sacrifices.

Outa Egypt 24:4

Den Moses write down all da tings Da One In Charge tell. Da nex morning early, Moses tell da peopo fo help build one altar down from da mountain. He tell um fo set up twelve big stone aroun da altar, one big stone fo all da Israel ohanas.

Zekariah 6:15

Goin get guys from far away dat goin come build da Temple Fo Da One In Charge. An you guys goin know fo shua, dat Da One In Charge, Da God Ova All Da Armies, wen sen me by you guys. Dis goin happen if you guys go all out fo lissen wat yoa God, Da One In Charge, tell.”

Isaiah 66:23

All da time, ery new moon time an ery Res Day, all da peopo all ova da world goin come an go down in front me.” Az wat Da One In Charge tell.

Start 12:7

Wen dey stay dea, Da One In Charge let Abram see him. He tell um: “Dis land ova hea, I goin give um to da peopo dat goin come from you bumbye.” Az how come Abram wen pile up rocks ova dea fo make one altar an make one sacrifice, cuz Da One In Charge let Abram see him, dat place.

Hebrews 13:10

Befo time, had one altar place wea da pries guys wen work inside God Spesho Tent. Dey get da right fo eat da sacrifice meat from dat altar. But us guys, we get one diffren altar place. An dose pries guys no mo da right fo eat da sacrifice meat from dea.

Songs 68:31

Ambassada guys goin come from Egypt. Da Sudan peopo goin bring presents fo God.

Isaiah 56:7

Dey da peopo I goin bring Jerusalem side, To da mountain dat stay spesho fo me. I goin make dem feel real good inside Wen dey come inside my house fo pray. Wen dey make burn up kine sacrifice on top my altar, An odda kine sacrifices dey make dea, Dat goin make me feel real good. Cuz peopo goin call my house ‘Da house wea all diffren peopos go fo pray.’ ”

Isaiah 60:7

All da sheeps from Kedar goin come togedda fo you guys. Da goats from Nebaiot goin be wat you guys need Fo make good kine sacrifice on top my altar. An I goin make my awesome Temple mo nice still yet.

Joshua 22:27

But dis altar goin be one ting dat make you guys an us guys no foget dis: us guys get da right fo go down in front Da One In Charge fo show love an respeck fo him, ova dea by his Tent. An same ting fo oua kids bumbye, us guys goin go ova yoa side fo make burn up kine sacrifices an regula sacrifices an sacrifices dat tell dat Da One In Charge an us stay good.’ Den bumbye yoa kids no goin tell oua kids, ‘You guys no mo da right fo go down in front Da One In Charge ova hea.’

Joshua 22:28

“An us Reuben an Gad guys tell, ‘If dey talk lidat to us guys, o to oua kids, we goin tell dem, “Look da altar ova hea dat oua ancesta guys wen copy! Az jalike da altar in front da Tent Fo Meet Wit Da One In Charge. Dey make um, but not fo make burn up kine sacrifices an regula sacrifices ova hea! Dey make um fo us guys an you guys all no go foget dat we goin go Da Tent Fo Meet Wit Da One In Charge fo make burn up kine sacrifices an regula sacrifices ova dea!” ’

Joshua 22:34

Da Reuben ohana an da Gad ohana give dea altar dis name: “Fo make all us guys no foget dat Da One In Charge, he God.”

Jeremiah 46:2

Dis da message bout Egypt: Dis wat Da One In Charge tell bout da Egypt army. Pharaoh Neko, da Egypt king, wen take all dem Karkemish side by da Eufrates Riva. Nebukadnezzar, da Babylon king, wen win ova dem. Az was da year numba four dat Jehoiakim, Josiah boy, stay da Judah king.

Ezekiel 29:1

Da numba ten year dat King Koniah, dat some call King Jehoiakin, stay prisona, January 7, get one message from Da One In Charge fo me:

Ezekiel 30:1

Anodda time, Da One In Charge give me dis message:

Ezekiel 31:1

June 21, da numba eleven year dat King Koniah stay prisona, dis message come fo me from Da One In Charge:

Ezekiel 32:1

March 3, da numba twelve year King Koniah stay prisona, get dis message come fo me from Da One In Charge: