Isaiah 19:16 - Hawaii Pidgin Bible

¹⁶ Dat time, da Egypt peopo goin come jalike da wahines. Dey goin stay sked an shaking, wen dey see dat Da One In Charge, Da God Ova All Da Armies, put up his hand an shake um cuz he goin wack um.

Isaiah 19:16 Referans Kwoze

Nahum 3:13

Look yoa army guys! Dey weak, jalike da wahines! Da gates inside yoa land, Dey stay wide open fo da guys dat stay agains you come inside! Da fire goin burn up da bars fo lock da gates.

Jeremiah 51:30

Da Babylon army guys, Dey no fight no moa. Dey stay inside dea strong wall. Dea powa all dry up. Dey come jalike wahines. Dea houses all burn down an dea town gates all broke.

Jeremiah 50:37

Goin get war Agains da Babylon guys horses an war wagons, An agains all da army guys From odda countries dat stay wit dem. Dey goin come real sked an lose fight, jalike dey wahines. Goin get war Fo take away all dea rich kine stuff. Da army guys from anodda place goin rip um off.

Isaiah 11:15

Da One In Charge goin wipe out Da skinny part a da Red Sea, Egypt side. He goin put out his hand ova da Eufrates Riva An bring one real hot strong wind, Fo make um come seven small stream, Fo peopo go walk on top da dry part wit slippas.

Zekariah 2:9

Fo shua, I goin pay dose guys back an make dea slave guys rip dem off.” Den you guys goin know dat Da One In Charge, Da God Ova All Da Armies, wen sen me, Zekariah.

Isaiah 10:32

Da same day, da Assyria army guys goin stop by Nob town. Dey goin show an yell, “Up yoas!” from ova dea, Fo make da peopo come sked Dat live Jerusalem town on top Mount Zion.

Hebrews 10:31

Eh! Sked, you know, if da God dat stay alive foeva go afta you!

Isaiah 30:17

One tousan a you guys goin run away Wen one a dea guys tell dat he goin hurt um. An if five a dea guys tell dat dey goin hurt you guys, All da res a you guys goin run away, Till you da ony one stay dea. Goin be jalike one pos Dass da ony ting stan on top one mountain, Jalike one flag on top da hill.

Songs 48:6

Real fas dey come all sked an shaking, Jalike one wahine Dat start fo born one bebe!

1 Corint 2:3

You know, da firs time, wen I go ova dea by you guys, I no feel strong. I was sked an shaking.

2 Corint 5:11

Us get choke respeck fo God. Dass why we try fo help da peopo get da same kine respeck fo him. God know how we stay inside. I like you guys know how we stay inside too.

Isaiah 13:2

“Eh you army guys dat goin go afta Babylon town! Put one flag up on top one hill wea no mo tree, Fo yoa odda army guys see um. Yell loud to dem. Wave yoa hand fo tell dem wen fo go inside Babylon, Inside da gate wea da Babylon alii guys stay.

Outa Egypt 11:6

All ova da Egypt land, peopo goin cry loud cuz dey stay hurt plenny. Dis goin be mo worse fo dem den anyting dat eva happen befo time, an mo worse den anyting dat goin happen one mo time.

Obadiah 1:9

Yoa army guys from Teman town goin lose fight, Cuz erybody inside da Esau mountains goin get kill.

Zekariah 2:13

Quiet! All you peopo on top da earth, stay quiet in front Da One In Charge. Cuz he all ready fo come down hea from da place dat stay spesho fo him in da sky!

Zekariah 10:11

Dey goin go thru trouble jalike thru one ocean. But I goin make da wild ocean waves come quiet. An da deep places inside da Nile Riva goin come dry. Da Assyria peopo get big head, but I goin bring um down, An da Egypt king goin get wipe out.