Isaiah 19:13 - Hawaii Pidgin Bible

¹³ Da leada guys fo Zoan town, Dey go do stupid kine tings cuz dey no undastan. Da leadas fo Memphis, az da main Egypt town, somebody wen bulai dem. Da leadas fo da Egypt ohanas wen make dea peopo go da wrong way.

Isaiah 19:13 Referans Kwoze

Ezekiel 30:13

“ ‘Dis wat me Da One In Charge, da Boss, tell: I goin bus up da idol kine gods, an da no good statues dey pray to inside Memphis town. No goin get one prince ova da Egypt land no moa. I goin make erybody inside da land come sked.

Jeremiah 2:16

Da peopo come from Memphis an Tahpanhes town Egypt side, Dey slap yoa head.

Zekariah 10:4

One guy az importan jalike one corna block stay importan fo one building goin come from da Judah ohana. One guy goin stay importan Jalike one tent peg stay importan fo one tent, An importan jalike one bow stay importan fo fight. Ery leada guy goin come from Judah!

Jeremiah 46:19

You peopo dat live inside da Egypt towns, Get yoa stuff ready fo go way jalike you prisonas! Cuz Memphis town goin come one pile a junk, All bus up. No mo nobody goin live ova dea.

Jeremiah 46:14

“Tell dis inside da Egypt towns! Make shua erybody hear um inside Migdol, Inside Memphis, an Tahpanhes: ‘Line up, an make ready fo fight! Cuz da war stay wipe out da peopo all aroun you!’

Isaiah 19:11

Fo shua, da leada guys fo Zoan town, Egypt side, Dey stupid kine peopo wit attitude! An da mos smart guys, Dey suppose to tell da Pharaoh guy, dea king, Wat fo do, But dey ony tell um stupid kine stuff fo do. So den! How you guys goin tell da Pharaoh guy, “Oua ancesta guys, Dey was smart guys dat know wat fo do erytime, An dey was kings from befo time”?! No way you guys can tell da Pharaoh guy dat!

1 Peter 2:7

Jesus, he jalike dat stone. You guys dat trus him, he real importan fo you guys, too. But den, fo da peopo dat no trus him, da Bible tell, “Da stone da builda guys wen throw out, Dat stone wen come da corna block, Da mos importan one.”

Rome 1:22

Dey tell erybody dey smart an know wat fo do erytime. But cuz dey tink lidat, dey stay come mo stupid.

Ezekiel 30:16

I goin burn down da Egypt land! Da Pelusium peopo goin fall down an roll aroun cuz dey suffa plenny. Da Babylon army guys goin bus up Thebes. Da Memphis peopo goin suffa ery day.

1 Samuel 14:38

Az why Saul tell, “All you main leada guys fo da army, come ova hea by me. Go find out wat bad ting we wen do today.

Census 24:17

“I see him, but az not fo now. Wat I see, no stay nea. One star goin come out from da Jacob peopo. One king goin come from da Israel peopo. He goin smash da Moab peopo head, An da skulls a da Shet peopo.

Jeremiah 44:1

Dis wat Da One In Charge tell Jeremiah, bout all da Jew guys dat live inside da Egypt land. Dey live Migdol, Tahpanhes, an Memphis towns, an from dea, up da Nile Riva valley.

Ezekiel 30:14

I goin wipe out da peopo from da Nile Riva valley makai from Aswan to Memphis town. I goin burn down Zoan town. I goin punish da peopo dat live Thebes town.

Hosea 9:6

Even if da Israel peopo no come wipe out, You know wat goin happen?! Da Egypt peopo goin make um prisonas, An da Memphis peopo goin bury dem. Da thorn bushes goin take ova da silva dey like plenny, An take ova dea tents.