Isaiah 19:10 - Hawaii Pidgin Bible

¹⁰ All da stuff dat stay da mos importan fo da Egypt land Goin all come no good. All da peopo dat work fo pay, Dey feel real sore inside.

Isaiah 19:10 Referans Kwoze

Rules Secon Time 11:10

“Da land you goin go inside fo take ova, az not one land jalike Egypt dat you guys come from. Ova dea you guys throw yoa seed, den use da kine pump you step on top fo bring watta from da watta ditch, jalike fo one garden.

Outa Egypt 8:5

Da One In Charge tell Moses fo tell Aaron dis: “Put out yoa hand an hold yoa stick fo walk ova da rivas, an da canals, an all da pond. Make da frogs come up outa da watta all ova da Egypt land!”

Outa Egypt 7:19

Da One In Charge tell Moses fo tell Aaron too: “Go take yoa stick fo walk, put out yoa arm an hold up da stick ova da places inside Egypt dat get watta—da rivas, an da ditches, an da ponds, ery place dat get watta. All da watta goin come blood. All ova da Egypt land, goin get blood, even inside da wood buckets an da stone pots!”

Start 40:6

Morning time, Joseph go by dem inside da prison. He look dem, an he see dat someting stay bodda dem plenny.

Songs 11:3

An us guys dat like do da right ting, We no can do notting, Cuz da law come poho awready! Jalike da bad guys wen bus up Da foundation undaneat oua house!” Dass how you guys talk.