Isaiah 18:3 - Hawaii Pidgin Bible

³ God tell dis: “All you peopo dat stay live inside da world, Wen I put up my war flag on top da mountains, You goin see um. An wen da trumpet make noise, You goin hear um.”

Isaiah 18:3 Referans Kwoze

Isaiah 5:26

God goin put up one flag Fo all da peopo inside da lands dat stay far see um. He goin whistle fo dem fo come, Fo dem come togedda fas from one real far place.

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Matthew 13:16

“But you guys, you stay good inside cuz yoa eyes can see fo real an yoa ears can hear fo real.

Matthew 13:9

Jesus tell, “If you guys hear dis, den lissen up real good!”

Zekariah 9:14

Den Da One In Charge goin show up ova his peopo. His arrow goin go out jalike lightning. Da Boss, Da One In Charge, Goin blow da sheep horn trumpet. He goin attack jalike he stay riding On top da storms from da south side.

Micah 6:9

Lissen up! Da One In Charge stay call To da peopo inside da big town Jerusalem. Wen peopo stay sked a God an show respeck, Cuz dey know wat kine god him, Dat show dat dose peopo know wat fo do erytime. “Lissen up good, you Judah ohana peopo, An da ones dat come togedda inside Jerusalem: Da army guys dat goin wipe out yoa town, Dey stay come awready!

Micah 6:2

“Lissen wat me Da One In Charge tell Fo poin finga my peopo. Let da mountains hear dat. Dey da strong foundations Fo da earth dat stay foeva. Lissen cuz Da One In Charge know How come he poin finga his peopo, Da Israel peopo!

Jeremiah 22:29

Lissen up! Even da Judah land Gotta lissen up good, wat Da One In Charge tell!”

Isaiah 13:4

“Lissen up! Get big noise on top da mountains, Soun jalike get plenny peopos on top dea! Lissen up! Da king guys an dea nations, Dey stay coming togedda fo fight Babylon! Da One In Charge, da God Ova All Da Armies, He stay make ready one army Fo go make war.

Isaiah 13:2

“Eh you army guys dat goin go afta Babylon town! Put one flag up on top one hill wea no mo tree, Fo yoa odda army guys see um. Yell loud to dem. Wave yoa hand fo tell dem wen fo go inside Babylon, Inside da gate wea da Babylon alii guys stay.

Isaiah 7:18

Dis how goin be dat time. Da Boss, Da One In Charge goin bring big armies agains da Judah land. He goin whistle fo call all da flies from da Nile Riva an from all da watta ditch far away inside Egypt. An he goin whistle fo all da bees fo come from Assyria.

Isaiah 1:2

Lissen, erybody in da world an inside da sky, Cuz me, Da One In Charge, da Good Boss, stay tell you dis: “I wen take kea da Israel peopo Jalike dey my kids, an help um grow up. But still yet, dey go agains me.

Songs 50:1

Da God Wit All Da Powa, Da One In Charge, he tell dis. He tell da peopo From all ova da world Fo come by him, From da place wea da sun come up, To da place wea da sun go down.

Isaiah 31:9

Da big rock wea da Assyria guys like hide, Dey goin run pass um Cuz dey plenny sked. Wen dea officer guys see Da One In Charge flag fo war, Dey goin come sked an lose fight.” Dis word come strait from Da One In Charge: Wea can see da light from his fire Inside da Temple on top Mount Zion. Can see wea he burn up his rubbish Inside Jerusalem town.

Isaiah 49:22

Dis anodda spesho message from Da One In Charge, da Boss. He tell: “Look! I goin put up my hand To da peopo inside da odda countries, An put up my flag Fo all da diffren peopos know az time awready. Den dey goin bring yoa small kids inside dea arm An yoa girls on top dea shoulda.

Jeremiah 51:27

“Put up one flag inside da Babylon land! Blow da sheep horn trumpet Fo tell da diffren peopos time fo attack! Make da peopos come spesho fo me Fo dem fight Babylon! Call dese peopos fo go agains Babylon: Ararat, Minni, an Ashkenaz. Pick one officer guy fo take charge agains Babylon. Sen plenny horses jalike az plenny locust kine grasshoppas.

Micah 1:2

All you peopos, lissen dis! Erybody on top da earth, lissen good: Da One In Charge a me stay inside Da Temple dat stay spesho fo him, He poin finga you guys.

Isaiah 11:12

He goin hold up one flag so all da peopos know wea fo come. He goin bring togedda all da peopo Dat da odda kings wen throw outa da Israel land, An da Judah guys from far place all ova da world.