Isaiah 17:9 - Hawaii Pidgin Bible

⁹ Dat time, nobody goin live inside da towns dat get one strong wall now. Any kine stuff goin stay grow all ova da towns. Goin be jalike da time da Israel peopo come inside da land, an da peopo dat live dea, go way from dea towns an leave eryting. Ony goin get da boonies wea nobody stay no moa.

Isaiah 17:9 Referans Kwoze

Isaiah 27:10

Da big town dat get strong wall Wea nobody can come inside, Nobody stay dea. Jalike da boonies, ony da cows stay dea. Da peopo, all gone awready. Get small cows stay eat grass dea. Dey eat all da stuff from da tree branches. Den dey lay down ova dea.

Micah 7:13

All dose countries goin come empty jalike da boonies, Cuz a all da bad kine stuff Da peopo dat live dea stay do.’ ”

Micah 6:16

But still yet you guys do Wat da rules from King Omri tell you fo do. An you copy eryting Omri boy King Ahab an his ohana stay do. You guys follow eryting dey tell you az good fo you do. Az why I goin let you guys come all bus up. So den, da odda peopos goin tell, “Bummahs!” Wen dey tink bout you guys. Da odda peopos goin laugh an make fun a you guys.’ ”

Micah 5:11

I goin wipe out big towns inside yoa land, An broke down all yoa strong wall.

Amos 7:9

Da One In Charge tell dis too: “Da places on top da hills Wea da ohana dat come from Isaac go fo pray, I goin broke um down. Da places da Israel peopo build fo be spesho fo me, Goin come one rock pile. Da peopo from da King Jeroboam ohana, I goin sen army guys fo go afta dem wit swords!”

Hosea 10:14

Yoa peopo goin hear da loud noise from da war, An yoa towns wit strong wall goin come wipe out. Jalike wen Shalman wen wipe out Bet-Arbel, da time dey wen fight, Wen dey throw da muddahs an dea kids down on top da groun fo kill um.

Isaiah 17:8

Dey no goin even tink Bout da altars dey wen build wit dea hands fo da odda gods An da small kine tings dey make wit dea fingas. Dey no even goin look at Dea spesho tiki pos fo da wahine god Asherah An da places fo burn incense fo da odda gods.

Isaiah 17:10

Fo shua you guys foget bout God No matta he da One dat get you guys outa trouble. You no even rememba Dat he jalike one big rock fo you hide dea. Dass why you stay plant nice plants fo da god Adonis An da gods from anodda place.