Isaiah 16:8 - Hawaii Pidgin Bible

⁸ Da grape fields Heshbon side An da grape plants Sibmah side Stay all dry up. Da leadas a da diffren countries Wen tell dea army guys Fo go smash down da red grape plant. Befo time, had grape farm all da way to Jazer, An da shoots from da vine go all ova da place, To da boonies an all da way down To da odda side a da sea.

Isaiah 16:8 Referans Kwoze

Isaiah 15:4

Da Heshbon an Elealeh peopo stay cry. Can hear dea voice from one far place, Even from Jahaz town. Dass why da army guys from Moab stay yell, But inside, dey stay sked an shaking!

Census 32:38

an Nebo, Baal Meon (but dey change some a da names), an Sibmah. Dey give names to da big towns dey build up one mo time.

Jeremiah 48:32

You Sibmah peopo, I stay cry fo you guys Mo den I wen cry fo da Jazer peopo. You Sibmah peopo get frenz all ova da place, Jalike one vine dat get branches spread all da way to da Big Salt Lake, An reach all da way to Jazer town too. Somebody come dat goin wipe you out Jalike dey goin rip off yoa ripe kine fruits dat ony get summa time, An da grapes you guys harves.

Isaiah 24:7

Da grape plant no grow nice, Da juice from da grape fo make wine, look funny kine. Da kine peopo dat like party an feel good, Dey stay moan.

Isaiah 16:9

Dass why I stay cry plenny Da same way da Jazer peopo cry Fo da grape plants Sibmah side. I cry mo plenny Fo da Heshbon an Elealeh peopo. Befo time, wen da Moab peopo bring dea summa fruit An harves da wheat, Erybody yell plenny, Cuz dey feel good inside. But now, da peopo no yell dat way no moa Cuz no mo notting fo harves.

Isaiah 10:7

“But da Assyria guys, dey no tink like me. Dey no make same kine plan jalike me. Dea plan, diffren kine, Cuz dey ony like wipe out eryting, An kill plenny diffren peopos.”

2 Samuel 1:21

“Da mountains Gilboa side wea Saul an Jonathan mahke, I like put kahuna on top dat place! No good dey get da dew o da rain bumbye. No good da fields grow da wheat fo da sacrifices. Ova dea, even da bestes ones fo fight, wen lose dea shield. Eh, no was olive oil dey wen put on top Saul shield, dat time, fo make um strong—was blood!

Joshua 13:25

da land fo da Jazer peopo, all da towns inside Gilead, an half da Ammon land up to Aroer nea Rabbah,

Joshua 13:19

Kiriataim, Sibmah, Zeret-Shahar on da hill inside da valley,

Census 32:3

“You know da towns, Atarot, Dibon, Jazer, Nimrah, Heshbon, Elealeh, Sebam, Nebo, an Beon?

Census 21:32

Afta Moses sen spy guys Jazer side fo scope um out, da Israel peopo take ova da towns aroun dea, an take away da land from da Amor peopo dat stay ova dea.

Census 32:35

Atrot, Shofan, Jazer, Jogbehah,