Isaiah 15:2 - Hawaii Pidgin Bible

² Da Moab peopo go up to dea temple, An da Dibon peopo go up da sacrifice place on top da hill Fo cry. Cuz Nebo an Medeba stay bus up, Da Moab peopo yell plenny. Dey cut off dea hair an all dea beard Fo show dey stay sad inside.

Isaiah 15:2 Referans Kwoze

Jeremiah 48:1

Fo Moab, dis da message from Da One In Charge, da God Ova All Da Armies, da God fo da Israel peopo: “Ho! Bummahs fo da peopo dat live Nebo town, Cuz dey goin come wipe out! Da Kiriataim peopo goin come prisonas an come shame. Da mountain dat get one strong wall on top, Dat wall goin broke down An da peopo dea goin come shame too.

Prieses 21:5

“Wen somebody mahke, da pries guys betta not shave part a da hair from dea head, o shave off da edge a dea beard, o cut dea bodies fo show dey stay sad inside.

Jeremiah 48:18

“You Dibon peopo, come down from yoa high place, An sit on top da dry groun. Cuz da One dat goin wipe out Moab Goin come attack Dibon too, An bus up yoa big towns dat get strong wall.

Isaiah 3:24

“Now dey get perfume, But den dey goin smell haunas. Now dey get one fancy kine cloth aroun da wais, But layta dey goin get ony one rope. Now dey get nice style hair, But den dey goin come bolohead. Now dey get fancy kine clotheses, But den dey get ony burmbag clotheses. Now dey nice looking, But den dey get burn scar all ova dem.

Rules Secon Time 34:1

Den Moses climb up from da flat country inside Moab to Mount Nebo, up da top a da Pisgah Range, across Jericho. Ova dea Da One In Charge show him da whole land, from Gilead to Dan,

Census 21:30

“But us guys, we wipe out da Amor guys! We wipe out Heshbon, an Dibon too! We bus um up all da way to Nofah, An go all da way to Medeba.”

Ezekiel 7:18

Dey goin put on burmbag kine clotheses an dey goin shake all ova. You look dea face, can tell dey all shame. Dey goin shave bolohead fo show dey sore inside.

Jeremiah 48:31

Az why I cry fo Moab. I yell fo help fo all da Moab peopo. Peopo moan fo da guys Kir-Heres side.

Jeremiah 47:5

Da Gaza peopo goin shave dea head cuz dey stay sad inside. Da Ashkelon peopo goin come wipe out. You odda Filisha peopo Dat still stay alive inside yoa valley, How long you goin cut yoa body Fo show you stay sad inside?”

Jeremiah 7:29

“ ‘Eh you Jerusalem peopo! Cut yoa hair an make bolohead fo show you stay sad inside. Cut um off an throw um away. Go da trails on top da mountains wea no mo notting grow, An sing one sad song dea. Cuz Da One In Charge had it wit his peopo. He dig out awready from da peopo dat stay hea now. He throw um out cuz he stay real huhu wit dem.’ ”

Isaiah 22:12

My boss, Da One In Charge, Da God Ova All Da Armies, He goin call you dat time Fo cry an stay sad inside, Fo pull out yoa hair, An put on burmbag kine clotheses, Fo show you stay sad inside.

Isaiah 16:12

Bumbye, no matta da Moab peopo go up Da sacrifice places fo dea gods on top da hills, An no matta dey work real hard an stay tired Fo go pray inside da temple dat stay spesho fo dea gods, All dat, no goin do notting fo dem!

Isaiah 16:7

Bummahs! Az why da Moab peopo Cry an yell togedda fo dea country. Dey make noise an cry, Cuz no mo da raisin candy from Kir-Hereset. Ony get bus up peopo ova dea.

Isaiah 15:3

Inside da street, da peopo tie burmbag cloth aroun dea wais Fo show dey stay sad inside. On top da flat roof, an inside da street, Erybody stay cry an yell plenny.

Isaiah 14:31

Yell, all you peopo inside da town gates! Cry plenny, you peopo inside da big towns! All you Filisha peopo, You real sked, you stay shake! Cuz one strong army come from da north side! Dey burn down da towns. Can see da smoke! Da army guys, dey all stay togedda, Dey no even lose one army guy.

Job 1:20

Wen Job hear dat, right den an dea he stan up an rip his clotheses an shave his head fo show he stay sad inside. Den he go down an put his face on top da groun.

Rules Secon Time 14:1

You guys da peopo fo yoa God, Da One In Charge. So no go cut yoa body o shave da front a yoa head wen somebody mahke jalike odda peopos do.

Census 32:38

an Nebo, Baal Meon (but dey change some a da names), an Sibmah. Dey give names to da big towns dey build up one mo time.

Census 32:3

“You know da towns, Atarot, Dibon, Jazer, Nimrah, Heshbon, Elealeh, Sebam, Nebo, an Beon?

Prieses 13:40

“Wen one guy hair fall out from on top his head, he ony bolohead. Az okay fo him come in front me, Da One In Charge, cuz he pono.

Census 21:28

Had fire go out from Heshbon, One big fire come from Sihon big town. Da fire burn up Ar, Moab side, An da ones dat own da up country Nea da Arnon Riva.

2 Samuel 10:4

Az why Hanun dem grab David guys, shave off half a dea beard, cut off dea robes in da middo fo see dea okole, an throw um outa da town.

Jeremiah 3:21

Da Israel peopo cry from on top da high mountains Wea da plants no grow cuz erybody go walk ova dea. Dey cry an beg da gods dea fo help dem, Cuz dey wen go da wrong way An foget bout dea God, Da One In Charge.

Jeremiah 47:2

Dis wat Da One In Charge tell: “Look! da army guys stay come from da north side! Jalike one flash flood stay come! Danger, da stream goin come, Cuz goin run all ova da place! Goin run all ova da land an eryting inside um, All ova da towns, an da peopo dat live inside um. Da peopo goin yell loud cuz dey no can handle. Erybody inside da land goin cry jalike somebody mahke!

Jeremiah 48:35

Fo da Moab peopo, I goin make da ones Dat make da burn up kine sacrifice on top dea sacrifice places, No can make um no moa, An no can burn incense dea fo dea gods no moa.” Az wat Da One In Charge tell.

Ezekiel 27:31

Dey goin pull out dea hair from all ova dea head Fo show dey stay sad inside cuz a you Tyre guys. Dey goin wear burmbag kine clotheses. Dey goin cry an stay sad An come real sore inside.

Ezekiel 30:2

“Eh! Fo Real Kine Guy! Tell dis fo me: Dis wat Da One In Charge, da Boss, tell: “ ‘Cry plenny! Moan! An tell, “Bummahs! Cuz da bad time stay come!”

Amos 8:10

Wen you guys make one religious kine ceremony dat make you feel good, I goin change um an make you guys come sad. Wen you guys sing, I goin make you guys sing one sad kine song. I goin make erybody stay sad inside An wear burmbag kine cloth An shave bolohead fo show dey stay sad inside. Goin be jalike wen da faddah-muddah guys come sad Cuz dea one an ony boy mahke. Dat time, goin be jalike eryting taste real bad, till da end.”

1 Records 19:4

So Hanun tell his guys fo grab David govmen guys, shave off dea beard, cut off dea clotheses in da middo by da okole, an throw dem outa dea country.

Jeremiah 49:3

“You Heshbon peopo, yell real loud Cuz you stay real sore inside Cuz Ai town stay all bus up! Yell, you small towns aroun Rabbah! Put on burmbag kine clotheses An cry jalike fo one funeral Fo show you stay all bum out! Cut yoa body fo make um bleed An run all ova da place Inside yoa town wall, Jalike you donno wea fo go! Az cuz da army guys dat goin come Goin make yoa god Molek dea prisona, An take away his pries guys an leada guys anodda land.