Isaiah 15:1 - Hawaii Pidgin Bible

¹ Me Isaiah, I get heavy kine stuff fo tell bout wat I see goin happen to da Moab peopo: Ony one nite, Ar town goin come wipe out! Dass how da Moab land goin come all bus up. Ony one nite, Kir town goin come wipe out too! Dass how da Moab land goin come all bus up.

Isaiah 15:1 Referans Kwoze

Isaiah 11:14

Togedda dey goin rush da Filisha peopo on da west side, All da way to da sea, An steal stuff from peopo on da east side. Dey goin take ova da Edom peopo an da Moab peopo An da Ammon peopo gotta do wat dey tell um fo do.

Census 21:28

Had fire go out from Heshbon, One big fire come from Sihon big town. Da fire burn up Ar, Moab side, An da ones dat own da up country Nea da Arnon Riva.

Isaiah 25:10

An on top dis same mountain, Jerusalem side, Da One In Charge goin use his powa dea. “But da Moab peopo, Odda peopo goin walk all ova dem, Jalike wen dey make someting fo burn fire, Firs dey throw da doodoo from da animals An straw from da wheat, an watta inside one hole, Den dey step um down good fo mix da mud.

Isaiah 16:11

Dass why I stay cry inside fo da Moab peopo. I stay cry real plenny, Jalike one sad song you play wit da harp. How I tink an how I feel, I feel real sore inside fo da Kir-Hareset peopo.

Isaiah 16:7

Bummahs! Az why da Moab peopo Cry an yell togedda fo dea country. Dey make noise an cry, Cuz no mo da raisin candy from Kir-Hereset. Ony get bus up peopo ova dea.

Isaiah 14:28

Da One In Charge wen give me, Isaiah, dis heavy ting fo tell, da same year dat King Ahaz mahke:

Jeremiah 9:26

Da Egypt guys, da Judah guys, da Edom guys, Da Ammon guys, da Moab guys, An all da ones dat live inside da boonies Dat cut dea hair spesho fo dea gods. All dose peopos, an all da Israel guys, dey cut skin, But dey no mo da mark inside dem Dat show dey my peopo.”

Isaiah 13:1

Me, Isaiah, Amoz boy, I get heavy kine stuff fo tell bout wat I see goin happen to Babylon:

2 Kings 3:25

Dey bus up all da towns, an all dem throw one stone on top all da good fields till get stone all ova um. Dey make da pukas fo watta so da watta no come out, an cut down all da good trees. Ony Kir-Hareset town neva get bus up. But da Israel guys put guys wit slings fo throw stones all aroun Kir-Hareset, an attack dat place too.

Rules Secon Time 2:18

‘Today you guys goin pass Moab, an go way from dea land nea Ar town.

Rules Secon Time 2:9

“Den Da One In Charge tell me, ‘No make hard fo da Moab peopo an make dem like make war wit you guys. Cuz I no goin give you guys notting from dea land. I awready give dea main town Ar to da Moab peopo dat get Lot fo dea ancesta.’ ”

Isaiah 25:12

God goin broke down da strong wall Fo da place wea da Moab peopo like go hide. He goin make da wall fall down to da groun, On top da dirt.”

Rules Secon Time 2:19

You guys go pass da land wea da Ammon peopo stay. No make harsh to dem an no make dem like fight you guys. Cuz no ways I goin give you guys da Ammon peopo land. I awready give dat land to dem cuz dey da Lot ohana peopo.’ ”

Isaiah 16:6

We wen hear dat da Moab peopo get real big head. Dey plenny high nose. Dey go any place dey like. But all dea big kine talk, Az not true, an no mean notting!