Isaiah 13:9 - Hawaii Pidgin Bible

⁹ “Look! Da One In Charge, his day stay come fo judge da peopo! Wen dat happen, he no goin give chance notting. He still stay huhu, An he had it wit da bad kine stuff peopo do. He goin make da land wea no mo notting dea, An goin wipe out all da peopo dea dat stay do bad kine stuff.

Isaiah 13:9 Referans Kwoze

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

Nahum 1:6

Wen Da One In Charge stay real huhu, No mo nobody can stan in front him. Wen he mad, jalike he throw fire on top you. Jalike da cliffs come broke up cuz a him.

Isaiah 13:6

“You Babylon peopo, Cry an yell cuz you feel sore inside, Cuz Da One In Charge, his day stay come nea! Da God Dat Get All Da Powa, He goin wipe out da bad guys.

Nahum 1:2

Da One In Charge, da Boss, He one jealous God. He no like fo peopo pray to odda gods. He pay back peopo fo wat dey do. He stay real huhu. Fo shua, he pay back da peopo dat stay agains him. He had it wit wat da peopo do dat go agains him.

Songs 104:35

Da peopo dat stay do bad kine stuff, I like dem come wipe out From da whole world! Da ones dat stay do wass wrong, I like fo dem no stay no moa. I like tell Da One In Charge “Mahalo!” Cuz he do good tings! Erybody, tell good tings Bout Da One In Charge!

Smart Guys 2:22

But da peopo dat no stay do wass right, Dey goin get wipe out so dat no mo dem on top da land. Da peopo dat you no can trus, God goin hemo dem from dea.”

Jesus Show 18:8

“Dass why in one day all da big kine troubles Goin come on top Babylon, jalike da wahine. All kine sick goin come. Da Babylon peopo goin come all kine sore inside. No mo notting fo eat. Fire goin come an burn um up. Cuz God, Da One In Charge, get all kine powa, An he goin come fo judge Babylon!”

Isaiah 9:19

Da One In Charge, Da Boss Ova All Da Armies, He no take da bad kine stuff dey do. Dass why he huhu, an da land come all burn up. So da peopo, dey jalike da kine stuff dat da fire goin burn up. Nobody show pity fo dea ohana.

Ezekiel 13:5

Dey no go up to da places in da wall dat stay broke down fo fix um fo da Israel peopo. Da time wen Da One In Charge come fo punish dem, da Israel peopo wall no goin stay strong in da war.

Joel 1:15

Bummahs, dat time! Cuz pretty soon, Da One In Charge goin come. Dat time, Da God Dat Get All Da Powa Goin wipe out peopo.

Joel 2:31

Da sun goin come dark, An da moon goin come red jalike blood. Dat goin happen befo da big an skery time Wen Da One In Charge come fo take ova.

Nahum 1:8

But he goin wipe out da Nineveh peopo, Jalike wen one big flood come. He goin chase da peopo dat stay agains him, An make dem run inside one dark place.

Zekariah 14:1

Look! Goin get one time fo Da One In Charge do someting. Dat time, da guys dat stay agains you goin rip off you Jerusalem guys stuffs an share um wit each odda, right dea in front you guys!

Isaiah 2:12

Da One In Charge, he da God Ova All Da Armies. Goin come one day, he goin go Agains erybody dat get big head, An agains all da peopo dat ack high makamaka. God goin bring down da kine peopo dat tink dey importan. He goin make all dat kine peopo come notting.

Isaiah 34:8

All dat goin happen Cuz Da One In Charge get one time Dat he goin pay back da Edom peopo. He goin do um ova an ova fo one year. Cuz he goin make shua Da odda nations no goin take away da right Fo his peopo live inside Jerusalem town.

Isaiah 63:4

Cuz I wen tink plenny, Dis, da right time fo me pay back dose peopo Cuz dey wen hurt my peopo. An da time stay now fo do wat I gotta do Fo get my peopo outa trouble.

Isaiah 66:17

“Get peopo dat make religious kine ceremonies Fo make um come spesho fo dea idol kine gods, An fo go in front dea gods Inside da places wit trees wea dey pray. Dey follow one leada guy fo go inside da middo. Den dey eat da kine stuff togedda dass kapu fo dem, Pig meat an rats. An dey all goin mahke togedda.” Az wat Da One In Charge tell.

Ezekiel 30:3

Cuz da day stay nea Da time wen Da One In Charge goin take ova. Goin get real cloudy dat time. Cuz time awready fo wipe out da diffren peopos.

Joel 2:1

Blow da sheep horn trumpet On top Mount Zion! Yell to da peopo on top da hill dat stay spesho fo me, An tell um watch out! Good, dat erybody dat live inside da land goin shake cuz dey sked. Cuz da time stay nea fo Da One In Charge come!

Zefaniah 1:15

Dat time goin be one day Wen me Da One In Charge goin come real huhu. One day wen peopo goin come bum out an get stress. One day wen peopo goin get plenny trouble an come wipe out. One day wen goin come dark, jalike da dark stay thick. One day wen goin get plenny clouds an black sky.