Isaiah 10:27 - Hawaii Pidgin Bible

²⁷ Dat time, da Assyria peopo no goin be dea, Jalike wen God go hemo One heavy load from yoa back, O jalike wen God open da yoke from yoa neck, An den you goin come big an strong one mo time.

Isaiah 10:27 Referans Kwoze

Isaiah 9:4

Jalike you wen do befo time, Wen da Midian peopo make da Israel peopo bus ass fo dem. You wen hemo da Israel peopo From da hard work da Midian peopo make dem do. Jalike you wen stop da Midian peopo Fo dem no wack dem wit one stick An poke dem fo dem work mo fas.

Luke 4:18

“Da Good An Spesho Spirit from Da One In Charge stay in charge a me, Dass why he sen me fo teach da peopo dat no mo notting Da Good Kine Stuff From God. He sen me fo tell da prisona guys Fo dem come free now. An tell da peopo dat no can see, Fo dem see now, An tell da peopo Dat dey no goin suffa no mo From da guys dat make any kine to dem,

Isaiah 14:25

Wen da Assyria guys come inside my land, I goin smash um An step all ova um On top my mountain. Dey goin try fo put da yoke on top dem, But no goin stay. Dey goin try fo make my peopo carry one heavy load on top dea back, But I goin take da load off from dea.”

Songs 105:15

He tell, “No even touch Da peopo I wen pick! No hurt da guys dat talk fo me!”

1 John 2:20

But you guys, you wen get powa from da Good An Spesho Spirit from God. Az how you guys all know wass true.

Songs 45:7

You like wen stuff stay right An no like wen stuff stay wrong. Dass why God wen pick you Fo come da king. He wen pour olive oil on top yoa head, An not on top yoa frenz head, Fo you stay good inside Cuz he wen pick you.

Songs 20:6

Dis wat I know now: Da king dat Da One In Charge wen pick, Da One In Charge erytime help him. Da One In Charge, he stay inside da sky, Da place dat stay spesho fo him, An from dea, he lissen da king An use his awesome powa fo get da king outa trouble.

1 John 2:27

But you guys get powa from da Good An Spesho Spirit. He awready stay inside you guys, so you guys no need nobody fo teach you. God Spirit stay teach you guys bout eryting, an wat he teach stay true. He no bulai nobody. So, stay tight wit him, jalike he wen teach you guys fo do.

2 Samuel 1:21

“Da mountains Gilboa side wea Saul an Jonathan mahke, I like put kahuna on top dat place! No good dey get da dew o da rain bumbye. No good da fields grow da wheat fo da sacrifices. Ova dea, even da bestes ones fo fight, wen lose dea shield. Eh, no was olive oil dey wen put on top Saul shield, dat time, fo make um strong—was blood!

Songs 84:9

Eh God! Look da king guy, Dat proteck us guys, Jalike one shield! Try do good tings fo him, aah? Him da guy you wen pick.

Jesus Guys 4:27

“An dass wat wen happen! Had King Herod an da govna Pontius Pilate, an da peopo dass not Jew guys, an da Israel peopo. Dey all come togedda inside dis town fo make one plan how dey goin kill Jesus. He yoa Good An Spesho Worka Guy, da One You Wen Sen.

Isaiah 37:35

I goin do all dat fo me, An fo da promise I wen make to King David, my worka guy. I goin get da peopo hea outa trouble!”

Songs 132:10

King David was yoa worka guy Befo time, An you wen get respeck fo him, So no tell “Laytas” to da new king You wen pick.

Songs 2:6

“No matta wat you guys tink, I awready wen give My king guy da powa Fo stay in charge fo me! He da king on top Zion Hill, Jerusalem town, On top da mountain Dass spesho fo me!”

John 1:41

Da firs ting Andrew do, he find his braddah Simon an tell him, “Us wen find da Messiah.” (“Messiah,” dat mean “da Christ Guy, da Spesho Guy God Wen Sen,” dea language.)

Songs 81:6

“I wen take off da heavy load From yoa back, An I take da basket a bricks From yoa hands too!

Isaiah 30:23

Da One In Charge goin sen rain Fo da seeds you guys goin plant inside da groun. Da food dat da groun bring up From da seeds you guys plant Goin be good kine, an goin get plenny. Dat time yoa cows goin get plenny fo eat Inside da big field.

Isaiah 52:2

Shake off da dirt from wea you sit. Get up, you Jerusalem peopo! Sit down jalike kings on top yoa thrones. Hemo da slave band aroun yoa neck You guys was prisonas befo time, but not now!

Isaiah 55:2

How come you guys stay pay wit silva Fo stuff dat you no can eat? How come you guys stay work Fo stuff dat no goin fill you up? You guys gotta lissen me! Eat good kine stuff. Den you goin stay real good inside Cuz you stay eat all da good kine food!

Ezekiel 30:18

Da day goin come dark Tahpanhes side wen I broke da powa dat da big head Egypt peopo get. Goin be cloudy all ova Tahpanhes. Da peopo inside da towns aroun dea goin come prisonas.

Prieses 7:35

“Az da part from ery kine sacrifice dey burn wit fire fo me, Da One In Charge, dat stay fo Aaron an his boys, from da day dey come pries guys fo me.

Jeremiah 30:8

Da One In Charge, da Boss Ova All da Armies, tell: “Dat time, jalike I goin broke da yoke off dea neck. I goin cut da ropes dat tie um. Dey no goin be slaves no mo Fo guys from anodda place dey donno.