Isaiah 10:14 - Hawaii Pidgin Bible

¹⁴ I find all da silva an gold Dat da diffren peopos get. I grab um, jalike somebody take eggs from one nes! I take away stuff from peopo all ova da world, Jalike somebody take da eggs dat da muddah bird leave. Wen I do dat, nobody tell notting, O flap da wing, No even open da mout, an no squawk.’ ”

Isaiah 10:14 Referans Kwoze

Job 31:25

I no feel real good inside cuz I get plenny rich kine stuffs, An cuz I tink dat was me wen bus ass fo get all dat.

Nahum 2:9

Rip off da silva! Rip off da gold! Nobody can count all da rich kine stuff! Fo shua dey stay rich inside Nineveh town!

Obadiah 1:4

No matta you guys fly high jalike da eagle. No matta you make yoa nes wit da stars. I goin bring you guys down even from dea.” Az wat Da One In Charge tell.

Jeremiah 49:16

You tink you can make peopo come sked a you, An you get big head. But you ony bulai you! You guys stay wea you can hide inside da cliffs, An you guys take ova da top a da hills, Even if you guys make yoa nes high, jalike one eagle, I goin bring you guys down from dea!” Az wat Da One In Charge tell.

Isaiah 5:8

An God tell, “Bummahs! fo you guys dat stay buy All da house an field dat get no mo space awready, You no leave even one place fo odda peopo live. So you guys goin be da ony one Fo live dea on top all dat land!

Smart Guys 18:12

Wen one guy tink he too good fo erybody, Real fas, he goin come wipe out. Wen one guy no ack high makamaka, Real fas, peopo goin get respeck fo him.

Isaiah 14:6

Da Babylon king guys wen bus up All kine diffren peopos, Cuz dey real huhu, an dey no stop. Az cuz dey real huhu an dey take ova plenny countries An dey no hold back from hurt dem plenny.

Ezekiel 35:13

You guys talk big agains me, an you no hold back wat you tell notting. But me, I hear all dat awready!’ ”

2 Records 32:13

“Fo shua, you guys donno how me an da odda Assyria king guys befo me wen make to da peopos inside da odda lands! No way dea gods get dem outa trouble an no let me take ova dem!

Isaiah 37:25

Me, Sennakerib, I dig pukas fo watta inside odda peopo countries. An drink da watta from ova dea. Wen I go thru da streams Wea da Nile Riva split up, Egypt makai side, I make um all come dry!”