Hosea 8:14 - Hawaii Pidgin Bible

¹⁴ “Da Israel peopo foget me, da One dat wen make dem. Dey build palaces. Da Judah peopo make one strong wall aroun plenny towns. But I goin burn down all dea strong towns An dea strong wall.”

Hosea 8:14 Referans Kwoze

Rules Secon Time 32:18

You guys wen bag, an go way from da real God Dass jalike da Rock fo you guys, An da One dat stay jalike yoa Faddah. You guys foget da God dat wen bring you guys inside dis world.

Jeremiah 17:27

But if you no lissen wat I tell you fo do, an no make da Res Day spesho fo me, wen you come inside da Jerusalem gates an carry stuff wit you on da Res Day, den I goin burn up da Jerusalem gates wit one fire dat no mo nobody can pio. Da fire goin wipe out da strong wall all aroun Jerusalem.’ ”

Amos 2:5

Dass why I goin dump fire on top da Judah peopo Fo burn up da palaces dat get strong wall, Jerusalem town.”

Hosea 13:6

Wen I wen feed dem, dey get full. Wen dey full, den dey ack high makamaka. Dass how dey foget me.

Isaiah 17:10

Fo shua you guys foget bout God No matta he da One dat get you guys outa trouble. You no even rememba Dat he jalike one big rock fo you hide dea. Dass why you stay plant nice plants fo da god Adonis An da gods from anodda place.

Amos 1:10

Dass why I goin sen army guys Fo burn down da Tyre town wall. Da fire goin eat up da palaces dat get strong wall.”

Efesus 2:10

God da One make us guys how we stay now. He make us stay tight wit Jesus Christ, az why us guys can do good kine stuff. Even befo he make us, he awready make plan fo us guys fo do good kine tings.

Amos 1:14

Dass why I goin make da Rabbah town wall burn An da fire goin eat up all da palaces dat get strong wall. Goin get war an peopo yelling An fighting jalike one hurricane kine wind storm.

Amos 1:12

Dass why I goin sen army guys fo burn Teman town, An da fire goin eat up da palaces dat get strong wall, Bozrah town.”

Amos 1:4

Dass why I goin sen army guys fo burn da palace Dat dea King Hazael wen build. Dis fire goin eat up eryting dea, An da Ben-Hadad Fort dat get strong wall too.

Hosea 2:13

I goin punish her fo all da times She go burn incense fo da Baal idols. She put on plenny rings an jewelry. She go wit da guys dat make sex wit her, But she foget bout me.” Az wat Da One In Charge tell.

Jeremiah 23:27

Dey figga dat da dreams dey tell goin make my peopo foget who me, jalike dea ancesta guys wen foget who me wen dey pray to da god Baal.

Jeremiah 3:21

Da Israel peopo cry from on top da high mountains Wea da plants no grow cuz erybody go walk ova dea. Dey cry an beg da gods dea fo help dem, Cuz dey wen go da wrong way An foget bout dea God, Da One In Charge.

Jeremiah 2:32

You guys tink one young wahine goin foget her jewelry? You tink one bride goin foget her wedding clotheses? But still yet my peopo foget me Ova an ova.

Isaiah 43:21

I wen make dose peopo fo me Fo dem talk story Bout da good tings I stay do.

Isaiah 42:25

So, dass how come Da One In Charge wen come real huhu Wit da Israel peopo, an punish dem. He make odda peopo go make war agains dem. Da war jalike get fire all aroun dem, But dey still yet no undastan! Da fire wipe dem out, But dey still yet no tink!

Isaiah 42:13

Da One In Charge, he goin out fo fight Jalike one strong army guy. Jalike one army guy he stay ready fo fight, An he yell. He stay huhu, an he yell fo start fo fight Da guys dat stay agains him, An he goin be da winna ova dem!

Isaiah 29:23

Wen da Jacob ohana peopo see dea kids aroun dem, Da kids I wen make, Dey goin know who me, An ack pono cuz dey know I stay good an spesho. Dey goin show me respeck Cuz I da Good an Spesho One Dat Jacob wen pray to befo time. Dey goin feel real sked in front me, Da God fo da Israel peopo.

Songs 106:21

Dey foget God, Da One wen get um outa trouble, Da One dat wen do Big time stuff Egypt side.

2 Records 27:4

He build towns inside da Judah hills too, an places dat get strong wall an towas inside da places wit plenny trees.

2 Records 26:10

An he build strong towas inside da boonies, an dig plenny storage holes fo keep watta unda da groun, cuz he get plenny animals inside da low hills west side Jerusalem, an da flat land. He get farma guys fo work inside his fields. He get odda guys dat know how fo work da grape fields, on top da mountains an da places wea get da kine dirt az good fo grow stuff. He one guy dat fo real kine like grow stuff.

1 Kings 16:31

Fo Ahab, az no big ting fo him do da same kine bad kine stuff jalike Jeroboam, Nebat boy. He wen marry Jezebel, her faddah Etbaal, da king fo da Sidon peopo. He wen start fo make da god Baal be his god, an go down an show um respeck.

1 Kings 12:31

Jeroboam build small kine houses by da sacrifice places on top da hills fo pray. He take any kine peopo fo come prieses, even if dey not from da Levi ohana.

2 Kings 18:13

Wen Hezekiah stay king fo fourteen year, da Assyria king Sennakerib attack all da big towns wea da Judah peopo make strong wall, an take ova dem.

Songs 95:6

Eh come! We go down In front Da One In Charge, We go down in front da One Dat wen make us guys.

Isaiah 9:9

All da peopo dea goin know wat God tell, Da Israel peopo, an da peopo inside Samaria town. But dey come high nose, an get big head. Az why dey talk lidis:

Isaiah 9:10

“Da bricks all fall down, But neva mind, we goin build um up one mo time wit cut stone block. Da army guys cut down da sycamore trees, But neva mind, we goin plant cedar trees dea Wea da sycamore wen grow.”

Jeremiah 5:17

Dey goin eat up all da food you guys harves, An all da odda food you get. Dey goin kill all yoa kids. Dey goin eat all yoa cows, sheeps, an goats. Dey goin eat all yoa grapes an figs. No matta you guys trus da big towns dat get strong wall fo proteck you, Dey still goin wipe out all da peopo inside da towns wit dea swords.”

Ezekiel 23:35

Az why dis wat me, Da One In Charge, tell: You wen foget bout me an make like you donno who me. Cuz a dat, I goin punish you cuz you come pilau an fool aroun fo money.”

Hosea 4:6

My peopo stay coming wipe out Cuz dey donno me. An cuz you pries guys no like know me, Az why I no like let you guys be my pries guys. You guys foget da teaching Dat come from me, yoa God, Da One In Charge, Az why I goin foget yoa kids.