Hosea 7:6 - Hawaii Pidgin Bible

⁶ Inside dey stay huhu Az jalike one oven dat still stay hot. Dey come nea da king fo trick um. Inside dey all huhu, az why dey stay burn all nite. Az why morning time da guys dat make fun a da king, Dey stay jalike one real hot fire, ready fo kill him.

Hosea 7:6 Referans Kwoze

Micah 2:1

“Bummahs, fo da guys dat make plan fo do bad kine stuff! Dass wat dey tink bout wen dey res on top dea bed. Den wen da sun come up dey go do um, Cuz dey get da powa fo do um.

Hosea 7:7

Dey all stay huhu jalike one oven dat still stay real hot. Dey wipe out dea leada guys. Dey kill all dea kings cuz a dat. But not even one a da king guys call to me, Da One In Charge, fo help um.

Hosea 7:4

Dey all fool aroun erytime behind dea wife back. Dey get da hots jalike dey one oven Wea da guy dat bake bread no need make da fire mo hot, From wen he poun down da dough till come mo big.

Smart Guys 4:16

Dat kine peopo, Dey no can go sleep, Dey gotta do someting bad firs! Da sleep no come, Till dey make somebody do someting bad!

Songs 21:9

Wen you face all dose peopo, You goin wipe um out Jalike you put um inside one deep hole wea get fire. Da One In Charge, he stay huhu wit dem. Dass why he goin wipe um out. Dey goin mahke, jalike da fire eat um up.