Hosea 4:4 - Hawaii Pidgin Bible

⁴ “Fo shua no good somebody poin finga. No good somebody tell anodda guy he da one get da blame fo someting, Yoa pries guys, dey da ones I stay talking about, Cuz yoa peopo jalike da kine peopo Dat even poin finga one pries guy.

Hosea 4:4 Referans Kwoze

Rules Secon Time 17:12

Whoeva ack jalike dey no give a rip wat da main local leada guy o da pries guy tell um fo do, gotta kill um, cuz dey no lissen. Cuz da local leada guy an da pries guy work fo yoa God, Da One In Charge. You guys gotta throw out da bad kine stuff from da Israel land.

Amos 5:13

“Fo shua, weneva tings stay lidat, Da smart peopo dat you guys hate, Dey no goin say notting, Cuz eryting stay bad awready.

Hosea 4:17

Da Efraim peopo stay fool aroun da idol kine gods. Let um stay lidat!

Amos 6:10

Az why, wen somebody mahke, one ohana guy goin come take da body outside da house fo burn da body. Dat ohana guy goin go inside da house an yell to whoeva stay inside da back a da house, “Hui! Still yet get odda peopo wit you?” Den da guy inside da back a da house goin tell, “No mo nobody! Ony me!” Da ohana guy goin tell, “Eh, no talk! Make shua nobody use Da One In Charge name inside dis place!”

Ezekiel 3:26

I goin make yoa tongue come stuck inside yoa mout so you no can talk. Den you no can tell da peopo how bad dem! Neva mind dea whole ohana stay agains me!

Jeremiah 18:18

Some peopo tell: “Eh come! We go make one plan fo kill Jeremiah. Dat way, we not goin throw out da rules da pries guys teach, o throw out wat da guys dat know wat fo do erytime tell us fo do, o throw out da tings da guys dat talk fo God tell. So we goin poin finga Jeremiah an tell wat he do wrong. We no goin lissen him notting!”

Amos 5:10

“But you Israel peopo, You hate anybody dat tell da judge Dat you guys do wass not right. Anybody dat talk fo real kine in front da judge, You guys make to dem jalike dey junk.