Hosea 10:6 - Hawaii Pidgin Bible

⁶ Dey goin take da idol Assyria side Fo make one present fo da importan king ova dea. Da Efraim peopo goin lose face. An all da odda Israel peopo goin come shame too Cuz dey wen trus da idol dey wen make from wood.

Hosea 10:6 Referans Kwoze

Hosea 5:13

“Wen da Efraim peopo an da Judah peopo Wen see dey sick, Den da Efraim peopo wen go Assyria side Fo tell da strong Assyria king help dem. But he no can help you guys. He no can make yoa sores come pau.

Isaiah 30:3

“You tink Pharaoh da one goin help you guys? He no can! You tink da Egypt peopo Goin let you guys stay wit dem Fo notting hurt you? Dey still no can, An you goin come shame too!

Daniel 11:8

He goin take stuffs from dea gods an dea god statues dat dey melt metal fo make um, an dea nice tings, dea silva an gold stuffs, an take um Egypt side. Fo short time afta dat, he no goin bodda da king fo da north side.

Jeremiah 7:24

“But my peopo, dey no lissen, o tink bout wat I tell. Dey hard head, an dey do wat dea bad heart like do. Dey suppose to go one way, an dey go da odda way,

Micah 6:16

But still yet you guys do Wat da rules from King Omri tell you fo do. An you copy eryting Omri boy King Ahab an his ohana stay do. You guys follow eryting dey tell you az good fo you do. Az why I goin let you guys come all bus up. So den, da odda peopos goin tell, “Bummahs!” Wen dey tink bout you guys. Da odda peopos goin laugh an make fun a you guys.’ ”

Hosea 8:6

Somebody from Israel wen make dat idol! One guy dat work wit metal Wen make da bebe cow kine idol from Samaria. Dass not me, God! Gotta broke um in small pieces awready!

Hosea 4:19

One whirlwind goin blow dem away. Wen dey make dea sacrifices to da idols, dey goin come shame cuz a dat.”

Hosea 4:7

Wen get mo plenny pries guys, Dey ony do mo plenny bad kine stuff agains me. Dey trade dea awesome kuleana fo shame kine stuff.

Ezekiel 36:31

Den you guys no goin foget how pilau you guys was, an all da no good kine stuff you guys wen do. Den you guys goin come real shame cuz a all dat kine stuff you wen do befo time an da way you ack pilau.

Jeremiah 48:13

Den da Moab peopo goin come shame Cuz dea idol god Kemosh no help dem, Jalike da Israel ohana wen come shame Da time dea gold calf statue get smash Bethel side.

Isaiah 45:16

All da guys dat make idol kine gods, Dey goin get plenny shame. Dey goin all go way togedda, An nobody goin get respeck fo dem.

Isaiah 1:29

“Fo shua, you guys goin come shame plenny Cuz you like go down in front da idol kine gods Inside places wea get oak trees an garden.

Job 18:7

Wen da bad guys walk, dey ony can take one short step. Da plans dey make jam um up.

2 Kings 17:3

Shalmaneser, da Assyria king dat time, wen come wit his army guys fo attack Hoshea. Az how Hoshea come one small kine king unda Shalmaneser, an ery year, Hoshea gotta pay Shalmaneser plenny.

Ezekiel 16:28

You wen go fool aroun wit da Assyria guys too, cuz you like fool aroun wit dea gods, an afta, you still tink you no fool aroun enuff!