Hebrews 1:10 - Hawaii Pidgin Bible

¹⁰ An God tell dis too: “My Boy, you stay Da One In Charge. From da start, You make da earth an da sky, Wit yoa hands.

Hebrews 1:10 Referans Kwoze

Start 1:1

Da time wen eryting wen start, God make da sky an da world.

Jeremiah 32:17

“You, Da One In Charge, you da Boss! Fo shua you da One wen make da sky an da world, cuz you strong an you no sked use yoa powa. I know, no mo notting stay too hard fo you fo do.

Isaiah 48:13

Me, wit my powa, I wen make da foundation fo da earth An spread out da sky an eryting inside dea. Weneva I call da earth an da sky, Dey all stan up.

Isaiah 42:5

Dis wat God, Da One In Charge, tell, Da One wen make da sky an stretch um out. Da One stay spread out da world an eryting dat come out from da groun. He make da peopo on top da earth breave. He make erybody dat walk on top da earth stay alive. He tell da spesho guy dat work fo him,

Zekariah 12:1

Dis wat me Da One In Charge tell bout da Israel peopo. Da One In Charge, da One dat spread out da sky, Dat put down da foundation fo da earth, An make da spirit inside peopo. I tell dis:

Isaiah 64:8

Still yet, Da One In Charge, you oua Faddah. Us, jalike da clay. You, da guy dat make us guys come jalike clay pots. All us guys, you wen make us.

Isaiah 51:13

How come you guys foget Dat me, Da One In Charge, I da One wen make you?! I spread out da sky An put down da foundation fo da earth. So, how come you guys stay real sked ery day, Cuz you tink bout da peopo dat stay mad An give you guys hard time, Cuz dey huhu wit you guys, An dey stay ready fo wipe out you guys. But wat dey goin do cuz dey mad? Notting!

Smart Guys 8:29

Wen he make some place fo keep da watta inside da ocean So da watta no can come on top da land, Da time he wen make one strong foundation fo put da earth on top.

Jesus Show 3:14

Den da One I wen see tell me, “Da messenja guy I wen sen fo help da peopo dat come togedda fo church Laodicea side, write one letta to him, an tell um dis: “Da One dat stay true, he tell eryting jalike happen fo you trus wat he tell. He da one wen start eryting dat God make inside da world. Dis wat he tell:

Songs 19:1

Look da sky fo learn how awesome God stay! Was God hand wen make all dat! An eryting you see in da sky an da air aroun us, Show how awesome wateva he make!

Rules Secon Time 4:19

An wen you guys look up inside da sky an see da sun, da moon, an da stars—all da tings dat get inside da sky—no tink you gotta go down pray to dem an do stuff fo dem, notting. Yoa God, Da One In Charge, wen make all dose tings! He give um to all da peopos inside da world.

Isaiah 40:12

“Da One In Charge, he da One Put all da ocean watta inside his hand Fo tell how plenny get. Wit his open hand he check out da sky Fo tell how wide dat. He put all da dirt inside da world inside one box Fo tell how plenny get. He put all da mountains an hills on top da scale Fo tell how heavy dem.

Isaiah 51:6

Look up to da sky. Look down at da earth. Da sky goin go way, jalike smoke. Da earth goin come boros, jalike da boros clotheses. All da peopo on top da earth goin mahke, jalike small bugs. But I goin get my peopo outa trouble all da time. I still yet goin do wass right fo da peopo, all da time.

Hebrews 12:27

Wen God tell, “One mo time,” he mean, da stuff God make befo time, he goin shake um, an den he goin take um away. Den da stuff dat no shake, ony dat stuff goin stay foeva.