Haggai 1:10 - Hawaii Pidgin Bible

¹⁰ Az why, cuz a you guys, da sky hold back even da light rain, an da groun hold back da food.

Haggai 1:10 Referans Kwoze

1 Kings 8:35

“Bumbye, wen yoa peopo do bad kine stuff An go agains you, You goin shut da sky An no let rain come down. But wen dey tink bout dis place An look dis way an pray, An tell dat dey yoa peopo fo real kine, Den dey goin turn aroun An no do bad kine stuff Cuz you punish um awready.

Prieses 26:19

You guys get big head cuz you strong, but I goin bus you guys up an show dat you not strong. I goin take away da rain from da sky ova you guys jalike az iron, an I goin make da groun unda you guys hard jalike az bronze metal.

1 Kings 17:1

Get one guy Elijah from Tishbe town, Gilead side. He tell King Ahab, “I stay shua dat Da One In Charge, da God fo da Israel peopo, stay alive, an he da God I stay work fo. An I shua bout dis: From now, no goin get rain fo long time. No even goin get watta on top da groun morning time. Da ony rain goin get, goin come wen I tell um fo come!”

Hosea 2:9

“Az why I goin take away my wheat an barley wen come ripe An my new wine wen stay ready. I goin take back my wool an my linen cloth Dat suppose to cova her wen she stay naked.

Haggai 1:6

You guys plant plenny, but you ony harves litto bit food. You guys eat, but no mo enuff fo fill you guys up. You guys drink, but no enuff fo make somebody come piloot. An den you guys put on clotheses, but you no come warm. Whoeva work fo get money, dey put da money inside one money bag wit pukas!”