Habakkuk 2:6 - Hawaii Pidgin Bible

⁶ “All da nations dat da Babylon army guys take ova, dey goin start fo make fun a da big head Babylon army guys. Dey goin laugh at dem, cuz dey no mo respeck fo dem. Dey goin sing to dem dis mean kine song erybody know: “ ‘Bummahs, fo you Babylon guys! Dat rip off odda peopos property! You guys wen put presha on peopo fo give you stuffs! How long you goin make lidat an no lose um, aah?!’ ”

Habakkuk 2:6 Referans Kwoze

Micah 2:4

Dat time, peopo goin sing one song bout you guys. Dey goin make fun a you guys. Dey goin ack jalike dey cry an make long face. Dey goin sing dis sad song: ‘Da One In Charge split up oua property! He take away da land from oua peopo! Now us no mo notting! He give oua fields to da guys dat wen make us prisonas!’ ”

Jeremiah 50:13

Cuz Da One In Charge tell ‘Laytas’ to wat da Babylon peopo stay do, No mo nobody goin live ova dea. Erybody dat pass by Babylon goin make big noise So da bad kine spirits no come nea, Cuz da town stay all bus up.

Jeremiah 29:22

Cuz a dem, all da prisona guys from Judah dat stay inside Babylon goin use dose guys name an talk lidis wen dey like put kahuna on top somebody: ‘I like Da One In Charge make to you jalike he wen make to Zedekiah an Ahab, dat da Babylon king wen burn ova one fire till dey mahke!’

Census 23:7

An Balaam tell dis spesho message from God: “Balak wen bring me hea from da Aram land. He da king fo Moab. He call me from da mountains da east side a my land. He tell me, ‘Go come! Put kahuna on top da Jacob peopo fo me! Tell um how mad you stay wit dem!’

1 Peter 4:7

Da time wen eryting goin come pau goin come pretty soon. So you guys, use yoa head, an watch out how you ack, fo you pray good.

Luke 12:20

But God tell, ‘Eh brah! Wat you tinking! Tonite you goin mahke! Den who goin get all da stuffs you wen stack up?’

Habakkuk 2:13

Look! Fo shua, Da One In Charge, da God Ova All Da Armies, He make dis happen: Da peopos bus ass, But wat dey build ony goin burn up. Dey goin come real tired fo notting!

Habakkuk 1:15

Da bad guys pull um all up wit fishhooks. Dey catch um inside dea small net. Dey bring dem all up inside dea big net. Az why da bad guys stay real good inside.

Ezekiel 32:21

Da mahke guys dat was big leadas befo time goin talk inside da Mahke Peopo Place bout da Egypt peopo an da ones dat help dem. Dey goin tell: ‘Dey down hea awready! Dey lay down hea wit us guys dat no mo da mark from God fo show dat us his peopo, an dey get kill wit swords.’ ”

Isaiah 55:2

How come you guys stay pay wit silva Fo stuff dat you no can eat? How come you guys stay work Fo stuff dat no goin fill you up? You guys gotta lissen me! Eat good kine stuff. Den you goin stay real good inside Cuz you stay eat all da good kine food!

Isaiah 44:20

Jalike he stay eat ashes. His head all jam up An make um tink da wrong way. He no can get outa trouble Az why he no mahke. He no can tell, ‘Dis ting in my hand stay bulai me!’

Smart Guys 22:16

Wen somebody presha da peopo dat no mo notting Fo him come rich from dem, Dat guy bumbye no goin get notting! O he give one nice present to da rich peopo, Fo make him come rich, Same ting, he no goin get notting.

Songs 94:3

Eh! You Da One In Charge! Da peopo dat stay do bad tings, How long dey goin make tantaran Weneva dey do someting bad?

Census 23:18

Den Balaam tell da spesho message he get from God: “Lissen up, Balak! Hear me, Zippor boy.

Isaiah 10:13

“Cuz da Assyria king tink, ‘I can do all dis cuz I strong, An I know wat fo do erytime, Cuz I undastan plenny stuff. I wen take away da lines dat stay block off Fo all da countries come part a my country. I wen take all dea rich stuffs. An take down dea kings, Cuz I one real strong guy.

Habakkuk 2:12

“Bummahs, fo you guys dat kill peopo Fo grab da powa fo build one town. You guys do crooked kine stuff Fo put yoa town togedda how you like!

Isaiah 5:8

An God tell, “Bummahs! fo you guys dat stay buy All da house an field dat get no mo space awready, You no leave even one place fo odda peopo live. So you guys goin be da ony one Fo live dea on top all dat land!

Jeremiah 17:11

“Da guy dat come rich but he no do um da right way, He jalike da partridge bird, Dat sit on top her eggs but some a dem not born. Wen dat guy make thirty-five, da rich stuffs he wen steal, all gone awready, An wen he mahke, peopo goin tell he stupid.”