Habakkuk 1:11 - Hawaii Pidgin Bible

¹¹ Den dey move by you fas, jalike da wind. Dey go broke da rules an get plenny blame. Dey tink bout ony dea powa Jalike dat powa was one god.”

Habakkuk 1:11 Referans Kwoze

Daniel 5:20

“But den, King Nebukadnezzar start fo get big head, an inside, he come hard head an tink he can make how he like. Az why God throw him out fo be da king, an da peopo no show respeck fo him no moa.

Jeremiah 2:3

Dat time, you Israel peopo wen stay spesho fo me, Da One In Charge, Jalike you guys was da firs food from da harves Dat peopo give to me. Anybody eat up dat food an no give um to me, Dey goin get blame fo dat. An all da bad kine stuff goin come on top dem.’ ” Dass da message from Da One In Charge.

Habakkuk 1:16

Az why dey make sacrifice fo dea nets, Jalike da nets was gods. Dey burn incense fo dea nets. Cuz dea nets help dem stay rich An eat da bestes kine food.

Job 12:6

Eryting stay quiet inside da tents Wea da guys live dat like bus up eryting. An inside da tents wea da guys live Dat make God come huhu, No mo nobody bodda dem. Az jalike dey carry dea idol kine gods wit dem.

Isaiah 10:13

“Cuz da Assyria king tink, ‘I can do all dis cuz I strong, An I know wat fo do erytime, Cuz I undastan plenny stuff. I wen take away da lines dat stay block off Fo all da countries come part a my country. I wen take all dea rich stuffs. An take down dea kings, Cuz I one real strong guy.

Jeremiah 9:22

So tell um, “Dis, da message from Da One In Charge: Da mahke bodies all ova da place, Jalike rubbish all ova da country side. Da mahke bodies jalike wheat dat some guy wen harves, But no mo nobody dea fo pick um up fo bury um.”

Daniel 4:27

“Eh King Nebukadnezzar, az why I like you lissen an do wat I tell you now: Throw out all da bad kine stuff you wen do awready! Do wat stay right! Throw out all da tings you wen do fo go agains God! Make good to da peopo dat suffa plenny! Den maybe you can stay king long time.”