Ezra 9:12 - Hawaii Pidgin Bible

¹² You wen tell us, ‘No let yoa daughtahs marry dea boys! No let yoa boys marry dea daughtahs! No do notting fo help dose peopo, an no make eryting come good fo dem!’ You wen make one promise to us guys, dat if we no do da kine stuff you tell us fo no do, den we goin come strong, an eat da good stuff dat grow inside dis land, an wen we mahke, we goin leave da whole ting to oua kids, foeva.

Ezra 9:12 Referans Kwoze

Rules Secon Time 7:3

No marry dem. No give yoa girls to dea boys fo marry, an no take dea girls fo marry yoa boys.

Rules Secon Time 23:6

No make one deal fo come frenz wit da Ammon o da Moab peopo fo do good tings fo dem, eva!

Smart Guys 13:22

Da good kine peopo, dey save till dey mahke Fo da kids an da grankids get plenny from dem. Da peopo dat do bad kine stuff, dey save plenny stuff, But da whole ting go to da peopo dat do da right ting.

Isaiah 1:19

If you guys like lissen, An tink da same ting jalike me, You goin eat all da good stuff from da land.

Smart Guys 20:7

Da kine guy dat do da right ting erytime An live so nobody poin finga him, His kids goin stay good inside, Even afta dea faddah mahke.

Ezra 9:2

Oua guys take all da peopos daughtahs fo come dea wifes, an wifes fo dea boys. So now, da ohana dat stay spesho fo God come all hapa Jews wit da peopos from da odda places dat donno God. An da leada guys fo da Israel ohanas, dey da main ones dat stay go agains wat God trus um fo do!”

Outa Egypt 23:32

No make one deal wit da peopo dea, o no make one deal wit dea gods.

2 Records 19:2

Jehu (his faddah Hanani, da guy dat can see wass goin happen) go out fo meet da king. He tell da king, “You tink az good you help da guys dat do real bad kine stuff, o wat?! You tink az good, you get love fo da guys dat hate Da One In Charge, o wat?! Cuz you wen do dat, Da One In Charge stay huhu wit you!

Rules Secon Time 23:7

No make to da Edom peopo jalike dey pilau, cuz dey da Esau ohana, yoa braddahs. An same ting fo da Egypt peopo, cuz dey let you guys live in dea country no matta you no was from dea.

1 Records 28:8

“So now I tell all you guys dis, in front da Israel peopo dat come togedda fo Da One In Charge, an in front oua God dat hear me: You guys, make shua you do all da tings dat yoa God, Da One In Charge, tell you fo do. If you do dat, den you goin own dis good land, an layta pass um on to da ones dat goin come from you guys, foeva.