Ezra 7:6 - Hawaii Pidgin Bible

⁶ An Ezra, he know plenny bout da Rules dat Da One In Charge, da God fo da Israel peopo, wen give to da Israel peopo befo time. An Ezra know how fo teach um. Da One In Charge, da God dat Ezra pray to, like do good tings fo Ezra, an help um plenny. Az why King Artaxerxes wen give Ezra eryting he aks da king fo give him. So dat time, Ezra leave Babylon an go Jerusalem.

Ezra 7:6 Referans Kwoze

Ezra 8:22

I shame aks da King fo sen army guys an horse rida guys fo go wit us an make shua nobody come agains us guys wen we stay go. Cuz us guys wen tell da King befo time, “Oua God, he stay take kea all da peopo dat stay pray to him, but he stay real huhu agains all da peopo dat stay ack jalike he notting.”

Ezra 7:28

An I like tell erybody mo plenny good tings bout Da One In Charge still yet, cuz he show erybody dat he stay tight wit his peopo. Da One In Charge wen make me come tight wit da King, an da guys dat help him know wat fo do, an all da odda govmen peopo! “Da One In Charge, my God, he like do good tings fo me, an help me plenny. Az why I wen get togedda da leada guys fo da Israel peopo fo come go Jerusalem wit me.”

Ezra 8:31

April 19, us leave oua camp nex to da Ahava Watta Ditch fo go Jerusalem. Da God us guys stay pray to like do good tings fo us an help us plenny. Az why God wen take kea us guys all da way dea. Da peopo dat like go agains us guys an da guys dat like jump us, he no let dem hurt us.

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”

Nehemiah 2:18

I tell da leada guys da story, how God wen put his good hand on top me an help me. I tell um too, wat da King wen tell me. Dey tell, “We gotta do um, den! We gotta start fo build da wall!” An dey all make ready fo do one good job.

Nehemiah 2:8

An I need one letta fo Asaf, da guy dat take kea da park wit plenny trees ova dea fo da King, fo him give me da wood fo make da beams ova da gates fo da towa, an fo da wall aroun da town, an fo da house wea I goin stay.’ ” Da King give me wat I aks him fo, cuz God put his good hand on top me an help me.

Ezra 8:18

Oua God, he like do good tings fo us, an help us plenny. Dass why dey sen us one guy Sherebaiah, wit his braddahs an dea boys, all togedda 18 guys. Sherebaiah guys, dey da kine guys dat undastan plenny stuff. Sherebiah come from Mahli, an Mahli come from Levi, Israel boy.

Ezra 7:21

“Fo all you govmen guys dat take kea da money fo me inside da West Eufrates Side, me, King Artaxerxes, tell you guys fo do dis: Give Ezra wateva he aks you guys fo give him. Cuz he one pries, an he teach da Rules from da God Inside Da Sky.

Smart Guys 3:6

Wateva you do, tink bout God an wat he like you fo do, Den he goin make shua notting goin jam you up.

Rules Secon Time 28:1

Moses tell: “If you guys lissen fo real kine to oua God, Da One In Charge, an make shua you do eryting I stay tell you today fo do, den he goin make you guys come mo importan den all da odda peopos on top da earth.

Rules Secon Time 4:5

“Look! I wen teach you guys wat my God, Da One In Charge, tell you gotta do, an his rules, jalike he wen tell me fo teach you guys, fo you stay tight wit um inside da land wea you guys goin go fo take ova.

1 Corint 15:1

Eh, my braddahs an sistahs! I like you guys no foget da Good Kine Stuff From God dat I wen tell you befo time. You guys wen learn um good, an stick wit um good.

1 Corint 1:20

So wat den? Wat goin happen to da smart guys? An to da teacha guys dat teach da Rules? An to da guys dat nowdays can talk good an make you tink anodda way? Eh! God make all dem guys look stupid! All da smart guys in dis world tink dey know wat fo do, but God make all dat come jalike notting!

Matthew 13:52

Jesus tell um, “All da teacha guys dat teach da Rules From God, an den go learn how dey can get God inside da sky fo dea King, dey jalike one rich guy dat bring out from his place new kine stuff an ol kine stuff too.”

Isaiah 59:1

Fo shua, Da One In Charge get plenny powa Fo get us guys outa trouble. Fo shua, he can hear good.

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Songs 45:1

Inside me, jalike I come excited Fo tell bout one real good ting. I stay make dis song fo da king, Jalike I one writa guy Dat know how fo tell one story Fo real kine.

Nehemiah 12:36

Get odda guys from da same ohana, Shemaiah, Azarel, Milalai, Gilalai, Maai, Netanel, anodda Judah, an Hanani. Dey use da kine music instruments dat David wen make, da guy dat stay tight wit God. Ezra, da guy dat stay teach da Rules From God, he go firs, den da oddas.

Nehemiah 8:13

Octoba 9, da main guys fo all da ohanas, da pries guys, an da Levi ohana guys go togedda by Ezra cuz dey like know mo betta wat da Rules tell.

Nehemiah 4:15

Da guys dat stay agains us find out dat us guys know wat dey plan fo do, an dat God jam up dea plan awready. So us guys go back fo work on da wall, an all dem stay work on da wall jalike befoa.

Nehemiah 2:12

Den nite time I get up, me an some odda guys wit me. I no tell nobody wat God tell me fo do fo Jerusalem. Da ony animal I take was da one I stay ride on.

Ezra 6:22

Fo seven day dey all make da spesho kine ceremony fo Da Bread Dat No Mo Yeast Inside, an dey feel real good inside cuz a dat. Da One In Charge make um feel good inside, cuz he wen make da Assyria king like help da Israel peopo. Az why da king help um fo build da House Fo Da God Fo Da Israel Peopo one mo time.

Ezra 5:5

But God, dis how he take kea da Jew leada guys: Da govna guys like tell da Jews dey no can build, but dey neva tell um yet, cuz firs, dey gotta make one report fo King Darius Persia side, den, dey gotta wait fo da King write dem back one letta.

Jeremiah 8:8

Da One In Charge tell: “How come you guys tell, ‘Us smart! Us guys know wat fo do erytime, Cuz we get da Rules from Da One In Charge!’ ”? But you know wat?! Da guys dat teach my Rules, Dey use wat dey write fo bulai you guys!

Nehemiah 12:26

Dat time, dese guys work inside da Temple. Joiakim was da Main Pries Guy, he Jeshua boy an Jozadak grankid. Nehemiah was da territorial govna. Da pries guy Ezra was da one stay teach da Rules From God.

Nehemiah 8:9

Den Govna Nehemiah, an da pries guy Ezra dat stay teach da Rules, an da Levi ohana guys dat stay help da peopo fo undastan, dey all tell da peopo, “No cry!” Cuz all da peopo, dey stay cry wen dey hear wat da Rules tell. “Dis one day dat stay spesho fo Da One In Charge, yoa God!”

Start 32:28

Da odda guy tell, “From now, yoa name no goin be Jacob. Yoa name Israel now, cuz you make fight wit God an wit peopo, an you win.” (“Israel,” dat mean “make fight wit God,” dea language.)

Matthew 23:2

“Da teachas dat teach da Rules From God, an da Pharisee guys, dey get da same job jalike Moses had, cuz dey tell erybody wat fo do.

Nehemiah 8:1

An all da peopo come togedda inside da open place inside da Watta Gate. Ezra, he da pries guy dat stay teach da Rules From God. Dey tell him fo bring da book dat get da Rules from Moses. Dass da Rules dat Da One In Charge wen give da Israel peopo long time befo time.

Ezra 8:1

Dis da ohana names dey wen write down, fo da ohana leada guys dat come back wit me from Babylon. Dat time, Artaxerxes was da king.

Nehemiah 9:13

“Wen dey stay Mount Sinai, You wen come down dea on top da mountain. You talk to dem from outa da sky an da air. You tell um da right tings fo do, An teach um da Rules dat dey can trus. An da good tings you tell um dey gotta do.

Songs 80:18

Den us guys no goin bag from you. Make us guys come alive one mo time, Fo us yell fo you help us Cuz we know wat kine god you.

Songs 109:27

Let erybody know Dat you da one dat get da powa, Dat you, Da One In Charge, do all dis.

Songs 147:19

Da One In Charge, he da One Dat wen tell da Jacob ohana peopo Da tings he like fo dem know. He wen tell da Israel peopo (Dass da same Jacob ohana) His Rules An da tings he tell cuz he da judge.