Daniel 6:18 - Hawaii Pidgin Bible

¹⁸ Den da king go back inside his palace. He no eat notting all nite, an no like nobody play music o throw party fo him o do odda stuff. He no can sleep.

Daniel 6:18 Referans Kwoze

Daniel 2:1

Da year numba two wen Nebukadnezzar stay king Babylon side, he get one dream, but he no can rememba wat he wen dream. Da dream bodda him, an he no can sleep good.

Esther 6:1

Dat nite da king no can sleep. Az why he tell his guys bring da record book, da one wea dey write down eryting dat happen from da time he come king. He like fo somebody read um fo him.

Songs 77:4

You make my eyes stay open! Plenny tings bodda me, Az why I no can even talk!

Jesus Show 18:22

No mo nobody goin eva play music inside yoa town no moa. No mo harp, o flute, o trumpet. No mo nobody goin hear da music no moa. No mo da guys dat know how fo make fancy kine stuffs. Nobody goin hear da noise from da millstone Dat grind flour fo yoa bread.

Teacha 2:8

I pile up plenny silva an gold stuffs fo me, an I get da rich kine stuffs from odda kings an odda districks. I get guys an wahines fo sing, an plenny wahines fo come my odda wifes—enuff fo make one guy feel real good inside.

Songs 137:2

Us wen hang up oua harp In da middo A da willow tree branches Fo no play um no moa.

Job 21:12

Da bad guys sing wit tammorines an harps. Dey feel good wen dey hear flutes.

1 Kings 21:27

But wen Ahab hear dis message from God, he go rip his clotheses an put on burmbag cloth nex to his skin fo show erybody he stay feel sore inside, an he no eat so he can pray. He even wear burmbag kine cloth wen he lay down sleep. Den he make real quiet wen he go aroun.

2 Samuel 19:24

Mefiboshet, Saul grankid, he go down by da Jordan Riva fo give his aloha to da king. From da time da king wen go way till wen he come back safe, Mefiboshet neva take kea his feets o fix his mustache o wash his clotheses, jus fo show he stay sad inside.

Daniel 6:19

Morning time wen get litto bit light, da king get up an he go quick by da big hole wea dey put da lions.

Daniel 10:3

I no eat good kine food like meat o wine, an I no comb my hair wit oil, till da three weeks pau.

Sad Song 3:53

Dey put me inside one deep hole fo keep watta, An put down one big stone ova da top, fo kill me.