Daniel 11:37 - Hawaii Pidgin Bible

³⁷ Da king no goin show respeck fo da gods his ancesta guys wen pray to, o fo da god da wahines like. He no mo respeck fo all da gods. Az cuz he tink he mo big den all da gods.

Daniel 11:37 Referans Kwoze

2 Tessalonika 2:4

He da guy dat goin go agains all da religious kine stuff, an go agains all da diffren tings dat peopo call gods. He goin tell he mo betta den dose gods. He even goin take ova God temple an tell he da real God.

Isaiah 14:13

One time you guys wen tink, “I goin go climb up to da sky! I goin put my throne Mo high den God stars! I goin sit on top da mos far part An da big mountain north side, Wea all da gods stay come togedda!

1 Timoty 4:3

Da bulaia guys tell peopo dey no can marry, an no can eat dis kine food o dat kine food. But eh, you know, God wen make all kine food fo eat fo us guys dat trus him an know wass true, cuz we eat um an tell him “Mahalo plenny!” fo da food.

Ezekiel 24:16

“Eh! Fo Real Kine Guy! You know wat?! You get plenny love an aloha fo yoa wife. Her da one you like da bestes. But I goin wack her one time an take her away from you. But wen she mahke, no stay sad o yell o cry.

Love Song 7:10

Da one I love, I stay his. An ony me he like take!

Rules Secon Time 21:11

Den if you see one a dem dass one good looking wahine, an you like her, you can take her fo come yoa wife.

Rules Secon Time 5:21

“No go tink, ‘I like get da odda guy stuffs, an I goin get um!’ Dat mean, no go like get his wife, his house, his land, his worka guy o wahine, his cow o donkey—notting dat yoa neighba guy own.”

Start 3:16

Den God tell da wahine dis: “You! Wen you born kids, I goin make um so you hurt plenny wen you born um. Goin come real sore fo born kids! Still yet, you goin like stay wit yoa husban, An him, he goin be in charge a you.”

Start 3:5

But God ony tell dat, cuz he know, da same time you guys go eat da fruit from dat tree, jalike yoa eyes goin come open an you goin undastan stuff. You guys goin come jalike God! You goin undastan wass good an wass bad!”

Daniel 8:11

Da horn make jalike he come big fo come same jalike da leada fo da army inside da sky. He no let da pries guys make da ery day kine sacrifices. He make da Temple dat stay spesho fo God come pilau.

Daniel 11:36

“Da Syria king goin do watevas he like do. He goin ack jalike he mo big den all da gods. He goin talk mo bad den da peopo eva hear befo, agains da God Dass Mo Importan Den All Da Odda Gods. An eryting goin go good fo him till da time wen God punish him. Cuz wat God tell gotta happen goin happen fo shua.

Daniel 11:38

Mo den dat, he goin show respeck fo da god fo da strong wall, one god his ancesta guys neva know. He goin show respeck fo dis god wit gold an silva, an da kine jewel stones dat cost plenny, an odda rich kine presents.

Isaiah 14:14

I goin go up mo high on da top a da clouds! I like come real importan, Jalike Da God Dass Mo Importan Den All Da Odda Gods!”

Ezekiel 28:2

“Eh! Fo Real Kine Guy! Tell da guy dat stay in charge Tyre side: Dis wat Da One In Charge, da Boss, tell: “ ‘You get one big head. You tell, “Me, I one god! I sit on top da kine throne one god get Inside da middo a da oceans.” But you ony one guy! You not one god, No matta you tink you akamai jalike one god.