Daniel 1:8 - Hawaii Pidgin Bible

⁸ But Daniel, he make up his mind dat he no goin eat da kine food da king like him fo eat an drink da wine da king like him fo drink, cuz dass da kine stuff Da One In Charge make kapu fo his peopo. So Daniel tell da guy in charge fo no make him eat dat kine food.

Daniel 1:8 Referans Kwoze

Songs 141:4

No let da way I stay inside Make me do da kine tings dat stay bad O do horraz kine stuff. Wen odda peopo no do wat stay right, No let me even eat Dea onolicious kine grinds.

1 Corint 7:37

But if get one guy dat know wat he like, an he can handle, an wait, an he stay make up his mind fo no get married, dass okay too.

Songs 119:115

All you peopo dat stay do bad kine stuff, Get away from me! Cuz I goin do da tings Dat my God tell me I gotta do.

Songs 119:106

I make one strong promise awready, An now I tell dis one mo time, Dat I goin do Wat I wen promise fo do. I goin do da tings dat you tell Stay right, cuz you da judge.

Daniel 1:5

Da king give Ashpenaz da kuleana fo make shua da guys he teach get food ery day from da king food. Dass da same kine food da king eat an da same kine wine he drink. Da teacha guys suppose to teach dem fo three year, an afta dat, dey get job fo work fo da king.

Jesus Guys 11:23

Wen he come, he see dat God wen do plenny good tings fo dem. He stay good inside, an give dem good kine words fo stay tight wit Jesus, Da One In Charge, an trus him bout eryting.

2 Corint 9:7

All da guys gotta figga how much fo give. No good somebody get one “I no like give!” kine attitude wen he give um. No mo nobody suppose to make um give. Cuz God get plenny love an aloha fo da guy dat give wit one good heart an feel good inside.

Rules Secon Time 32:38

Wea da gods dat wen eat da fat from yoa sacrifice? Da ones dat wen drink da wine from yoa drink sacrifice? Let dose gods stan up fo help you guys! Let dem give you guys one place fo hide!

Songs 106:28

But da peopo, dey go make frenz Wit da peopo dat pray To da Baal god from Peor side. Dey even eat sacrifice meat Fo da gods dat no stay alive!

1 Kings 5:5

So now, I stay figga lidis: I goin build one Temple so erybody goin know wat kine god my God, Da One In Charge, da One I stay pray to. Da One In Charge wen tell my faddah King David, ‘I goin put yoa boy on top yoa throne, afta you pau be da King. Yoa boy, da one goin build da Temple so erybody goin know wat kine god me.’

Jesus Guys 15:20

Mo betta we write um one letta fo help da Jews an da odda peopo come togedda fo tell um: No eat da food da peopo give to da idol kine gods, an No fool aroun nobody, an No eat da meat from da animals dey wen choke, an No eat da blood too.

Smart Guys 23:3

No ack jalike you like pig out On all da fancy kine stuff he put in front you, Cuz maybe da guy like bulai you.

Daniel 5:4

Wen dey stay drink da wine from da cups, dey stay talk good bout dea idol kine gods dat dey wen make from gold, silva, bronze, iron, wood, an stone.