Colosse 3:13 - Hawaii Pidgin Bible

¹³ No let odda peopo bodda you how dey ack. Wen somebody give you problem, eh, let um go, an no stay huhu wit dem. Da One In Charge wen let you guys go, fo you make jalike him an let dem go too.

Colosse 3:13 Referans Kwoze

Efesus 4:32

Mo betta make nice nice to each odda. Show pity an aloha to each odda. Let each odda go, jalike God let you guys go cuz a wat Christ wen do.

Mark 11:25

Erytime you guys stan up an pray, if you huhu wit somebody, you gotta let um go. If you do dat, den yoa Faddah dat stay inside da sky, he goin let you guys go too, fo all da bad kine stuff you guys wen do.

James 2:13

Da guy dat make jalike one judge fo da odda peopo, an no give um chance, dat guy no goin get chance wen he stan in front God da Judge. But wen you give da odda guy chance, den no need fo God judge you, an dass mo betta.

Efesus 4:2

Put odda guys firs befo you erytime. Make nice to dem. Hang in dea wit each odda. No get huhu wit each odda cuz you guys get plenny love an aloha fo each odda.

Matthew 6:12

Let us go, an hemo oua shame Fo all da bad kine stuff we do to you, Jalike we let da odda guy go, An we no stay huhu wit dem Fo da bad kine stuff dey do to us.

2 Corint 6:6

We stay clean inside. We know plenny from God. We hang in dea long time. We do good tings fo peopo. Da Good An Spesho Spirit stay in charge a us. We show plenny love an aloha to da peopo fo real kine.

Galatia 6:2

Help da odda guy wen you know dat he need help. If you do dat, you goin do eryting Christ rules tell you fo do.

2 Corint 2:10

If you guys no stay mad fo wat da guy wen do, an let um go, den I let um go too. Me, I no need stay mad at da guy. Dass why I let um go. I do dat in front Christ, an fo kokua you guys.

Luke 23:34

Jesus tell, “Faddah, let dem go fo dis bad ting dey stay doing. Dey donno wat dey stay doing!” Da army guys throw dice fo take Jesus clotheses.

Luke 11:4

Let us go, an hemo oua shame Fo all da bad kine stuff we do to you, Jalike us guys let da odda guy go, An us no stay huhu wit dem Fo da bad kine stuff dey do to us. Show us how fo no do bad kine stuff Wen somebody give us chance fo do um.’ ”

Matthew 5:44

But I stay tell you guys dis: Show love an aloha fo da guys dat hate you! An aks God fo help da guys dat make you suffa!

1 Peter 2:21

Az why Christ wen pick you guys fo do wass good no matta you gotta fo dat. He wen suffa fo you guys. So make jalike him how he suffa.

Rome 15:7

So den, come each odda ohana, jalike Christ make you guys come his ohana. Den peopo goin tell how awesome God stay.

Colosse 3:12

God wen pick you guys, cuz he get plenny love an aloha fo all you guys. Fo show dat you guys stay spesho fo him, put on dis, jalike you put on yoa clotheses: Show love an pity fo odda peopo an make nice to dem. No get big head. Make shua you not da numba one guy. An hang in dea wit odda peopo fo long time.

Efesus 5:2

Live wit plenny love an aloha fo erybody. Az jalike Christ get plenny love an aloha fo us guys. He wen give up his life fo mahke fo us guys, jalike he one sacrifice fo God, da kine sacrifice dat make God stay good inside.

Smart Guys 19:11

Wen you tink az good fo know how come tings happen, You no goin come huhu real quick. An if somebody go agains you An dat no goin bodda you, Plenny peopo goin respeck you!