Colosse 2:21 - Hawaii Pidgin Bible

²¹ Dey tell, “Eh, no touch! No taste!”

Colosse 2:21 Referans Kwoze

1 Timoty 4:3

Da bulaia guys tell peopo dey no can marry, an no can eat dis kine food o dat kine food. But eh, you know, God wen make all kine food fo eat fo us guys dat trus him an know wass true, cuz we eat um an tell him “Mahalo plenny!” fo da food.

Start 3:3

Ony get da one tree ova dea inside da middo, dat God tell us, ‘No even eat um, an no touch um! No good bumbye you guys goin mahke inside, az why.’ ”

Isaiah 52:11

Get away! Get away! Get outa Babylon! No touch notting dat not spesho fo Da One In Charge! Get outa dea! Make shua you clean fo go inside da Temple fo pray! Dass cuz you guys stay carry da tings fo Da One In Charge Dat go inside da Temple.

2 Corint 6:17

Az why Da One In Charge tell dis inside da Bible, “Dass why you gotta get out from dem An no be jalike dem. Stay away from da tings dat make um fo you no pray. Den I goin bring you inside my ohana.

Colosse 2:20

Jalike you guys wen mahke wit Christ, he wen take away da powa ova you guys dat da spirits inside da world had befo time. So how come you guys still yet stick wit da ol rules? Jalike you guys still yet stay hamajang da way you tink! How come you guys still yet stay lissen dem?

Colosse 2:22

But dat kine rules, dass ony stuff dat peopo make up an teach erybody. But den, all dat bumbye goin come poho, same time dey stay do um.