Colosse 2:15 - Hawaii Pidgin Bible

¹⁵ He take away da powa from all da main spirits an da odda bosses. He shame um in front erybody, jalike da army guys do in da winna parade.

Colosse 2:15 Referans Kwoze

Hebrews 2:14

God kids get blood an bones cuz dey peopo. Dass why Jesus jalike dem, wit blood an bones too. He stay lidat so dat wen he mahke, he hemo all da powa from da Devil, da one dat get da powa fo kill peopo.

Efesus 4:8

Dass why da Bible tell dis from befo time, “He go up to da high place. He fight an win, an take plenny prisonas. An he give plenny stuffs to da peopo.”

Matthew 12:29

“How you figga one guy go bus inside one big moke house an rip off his stuffs? Firs, he gotta tie up da moke! Den can steal eryting.

Isaiah 53:12

Az why I goin give him his share, Same ting jalike I goin give plenny odda peopo. He goin be jalike one a da strong army guys Dat bring back plenny stuffs from one war An give all da peopo dea share. Cuz he let da peopo kill him, An even count him Jalike he one a da peopo dat go agains me. Him, da one take da blame fo plenny peopo, An pray fo da peopo dat stay go agains me.”

Efesus 6:12

Eh! Us guys stay in war time now, you know! But we no stay fight regula kine peopo dat get blood an bones. We stay fight da spirit leadas, da spirits dat get plenny powa, da main gods dat stay in charge a dis dark world, an da spirits wit powa inside da sky dat you no can see. Dey da bad kine powas!

John 16:11

He goin show dem dat God goin be dea Judge, cuz God awready wen judge da main leada fo dis world, az Satan.

Luke 10:18

Jesus tell um, “I wen see Satan, dat time God throw um down from da sky fas jalike da lightning.

Jesus Show 20:10

Den God throw da Devil dat wen bulai dem, inside da lava lake dat burn wit sulfur. Dass wea befo time God wen throw da Wild Animal an da guy dat tell he one guy dat talk fo God, but he not. Dey goin suffa day time an nite time foeva an eva.

Songs 68:18

You wen go up to da mos high place. You wen capcha plenny prisonas. You wen take da presents Peopo bring you, Even da peopo Dat no like fo Yah live dea, Dass God, Da One In Charge!

Start 3:15

From now on, you an da wahine, I goin make you guys stay agains each odda. Yoa kids an her kids, Dey goin stay agains each odda too. One a dem goin wack yoa head, An you goin bite him on da heel a his feet!”

Colosse 1:16

Jesus was in charge da time God make eryting— Inside da sky an inside da world, Da tings we can see an da tings we no can see, Da kings, da ones in charge a someting, Da leadas, da peopo wit powa. Eryting God like make, He make um fo Jesus, An Jesus wen do da work.

Luke 11:22

But if one mo bigga moke come, an bus him up, he goin take away da knifes an clubs. Da firs moke wen trus da knifes an clubs, but da mo bigga moke goin rip off all da stuffs, an split um up wit his guys.

2 Corint 4:4

Satan, he jalike da god fo da peopo nowdays. He make some peopo fo dem no undastan. Az da peopo dat no trus Da One In Charge fo real kine. Dass jalike dey no can see da light. Dey no can undastan da Good Stuff bout how awesome Christ stay, da One dass same same jalike God. Jesus jalike one picha fo show how God stay.

Jesus Show 12:9

Da big Dragon, God throw um outa da sky. Dass da ol snake. Dey call um da Devil an Satan, Da One Dat Stay Agains God. He bulai all da peopo inside da world. God throw him an his angel messenja guys down on top da earth.

John 19:30

Wen Jesus taste da cheap wine he tell, “Eryting pau awready!” An he bend down his head, an den let go his spirit.

1 Corint 15:24

An afta Christ come back, he goin wipe out all da spirits dat tell, “Me, I da leada! I stay in charge a eryting! I get da right fo make how I like! I strong!” Den Christ da King goin turn ova eryting to God his faddah, an eryting goin come pau.

2 Corint 2:14

But no matta wea I stay, I like tell God “Mahalo plenny!” Cuz Christ, he lead us in his winna parade, cuz us guys stay tight wit him. Wen peopo see us, dat show how awesome fo erybody know Christ. Dass jalike wen someting smell real good, an erybody can smell um.

Efesus 3:10

But now, God like use his church peopo fo show all da leada guys an all da guys wit powa dat stay inside da sky, dat God know wat fo do bout eryting fo real kine.

Colosse 2:10

Wen you stay tight wit Christ, he give you eryting you need. He da main boss ova all da main spirits an da odda leada guys.