Colosse 1:20 - Hawaii Pidgin Bible

²⁰ Cuz Jesus wen bleed an mahke on top da cross, he make pono eryting da peopo get agains God. Az how God wen make eryting an erybody come pono wit him—eryting in da world an in da sky.

Colosse 1:20 Referans Kwoze

Efesus 1:10

God make dis plan fo do all dat wen da right time come. Dis da plan: God goin bring togedda eryting he make, an his Spesho Guy Christ goin be in charge. Dat mean Christ goin be in charge a eryting inside da sky an inside da world!

Hebrews 2:17

Dass why Jesus gotta come jalike his braddahs an sistahs, ery kine way. An cuz Jesus jalike his braddahs an sistahs, he goin come dea Main Pries Guy fo take kea all da kine stuff da Jew Main Pries Guy do fo God. He give da peopo chance, an he da kine guy dey can trus. Cuz az who him, an he goin hemo da shame fo all da bad kine stuff da peopo do, an bring um back togedda wit God.

Rome 5:1

Cuz us guys trus God, az why God tell us guys we get um right wit him. Us pono wit him, cuz a wat Jesus wen do, Da One In Charge a us guys.

Philippi 2:10

So erybody, wen dey find out wat kine guy Jesus, Dey goin go down on dea knees in front him. Erybody up dea inside da sky, An all ova da world, An undaneat da groun!

Jesus Guys 10:30

Cornelius tell, “Three day ago, I stay pray inside my house, same time like now, three clock in da aftanoon. An right den an dea one guy in shiny kine clotheses stan in front me.

Luke 2:14

“Up inside da sky wea God stay, He stay awesome! An ova hea on top da earth, If God like wat peopo stay do, He goin make dem So notting bodda dem.”

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.

Prieses 6:30

But da blood fo da sacrifice you make wen somebody do someting bad, if you bring some a da blood inside da Tent Wea Da Peopo Come Fo Meet Me, Da One In Charge, fo make da guy dat do one bad ting come pono wit me inside da spesho place, den no can eat da meat. Gotta burn um all up.

Micah 5:5

He goin be da one make eryting come okay. Bumbye, wen da Assyria guys Goin come inside oua land fo fight, An come ova oua strong wall. Den us guys goin put up seven o eight leada guys Fo take kea us an stay in charge, Jalike da sheep guys take kea dea sheeps.

Census 7:65

an two bulls, five big boy kine sheeps, five boy kine goats, an five bebe boy kine sheeps one year ol, fo make da kine sacrifice dat show dat dem an God stay good. Az was da presents from Abidan, Gideoni boy.

Matthew 1:21

She goin born one boy, an you goin name um Jesus, cuz he goin get his peopo outa da kine bad stuff dey do.”

Colosse 1:16

Jesus was in charge da time God make eryting— Inside da sky an inside da world, Da tings we can see an da tings we no can see, Da kings, da ones in charge a someting, Da leadas, da peopo wit powa. Eryting God like make, He make um fo Jesus, An Jesus wen do da work.