Census 6:25 - Hawaii Pidgin Bible

²⁵ Da One In Charge goin smile an show he stay good inside bout you, An do plenny good kine stuff fo you.

Census 6:25 Referans Kwoze

Songs 80:19

Eh! You Da One In Charge! You da God Ova All Da Armies! Make us come Jalike we was befo time! Smile an show you stay good inside Bout us guys, Fo us guys get outa trouble!

Songs 119:135

Try look at me an smile Cuz I yoa worka guy, An teach me how fo do Da tings you tell I gotta do.

Songs 31:16

Smile at me, Da guy dat stay work fo you. Get me outa trouble Cuz you stay tight wit me.

Songs 67:1

Eh God! I like fo you ack Real good to us guys, An do good tings fo us guys, An smile an show You stay good inside cuz a us. (Time out fo da music.)

Daniel 9:17

“But God, I yoa worka guy, an I stay pray to you an aks you fo lissen me. Cuz a who you, Boss, try smile an do good kine stuff fo yoa spesho temple, dat stay all bus up, an fo da peopo wen bag from dea.

Songs 80:7

You da God Ova All Da Armies! Make us come Jalike we was befo time! Smile an show you stay good inside Bout us guys, Fo us guys get outa trouble!

Outa Egypt 33:19

An Da One In Charge, tell, “I goin show you eryting bout how good I stay. I goin let you hear wat my name ‘Da One In Charge’ mean. I goin do plenny good tings fo whoeva I like do um fo, an I goin show plenny pity fo whoeva I get pity fo.

Malakai 1:9

Now you beg me fo make good to you guys, an maybe I give you guys chance, no matta you bring dat pilau kine sacrifice! How come you tink, ‘Maybe Da One In Charge, Da God Ova All Da Armies, goin do good kine tings fo us guys,’ aah?!

Start 43:29

Den Joseph look aroun, an he see his braddah Benjamin, da one dat get da same muddah jalike him. Joseph tell da odda braddah guys, “Dis guy hea, dis yoa younga braddah? Da one you guys wen tell me bout?” He tell Benjamin, “My boy, I like God do plenny good tings fo you!”

John 1:17

Moses wen give oua ancesta guys da Rules From God. Den Jesus Christ, God Spesho Guy, he do plenny good stuff fo us, an eryting he tell us bout God, stay fo real.

Songs 86:16

So, try look wea I stay, An make nice to me, No matta you no gotta make lidat. I yoa worka guy, so give me yoa powa. I wen born fo work fo you, So get me outa trouble.

Songs 21:6

You do plenny good tings fo da king, All da time. You make him feel real good inside Cuz you tell him fo stay wea you stay.

Rome 1:7

You Rome guys, dis letta fo you. Eh, God get love an aloha fo you guys. He tell you fo come his spesho guys. God, he oua faddah, an Jesus, he Da One In Charge, he da Spesho Guy God Wen Sen. I like dem do plenny fo you guys, an make you guys come so notting bodda you.

Songs 4:7

You make me stay good inside wen you smile nice kine, Mo betta den peopo stay inside, Wen dea fields get plenny wheat an plenny grape.