Census 24:8 - Hawaii Pidgin Bible

⁸ “Da God dat wen bring his peopo outa Egypt, He make dem strong jalike one wild bull. Jalike dey eat up da peopos dat stay agains dem. Dey broke dea bones An shoot um wit arrows.

Census 24:8 Referans Kwoze

Songs 45:5

Sharp, da arrows you shoot! Dey go inside da hearts a da peopo Dat stay agains you, da king. Dey fall down an mahke Unda yoa feets.

Jeremiah 50:17

“Da Israel peopo, dey stay run all ova da place Jalike sheeps an goats wen da lions chase um. Da firs lion fo eat um was da Assyria king. Da nex lion was Nebukadnezzar da Babylon king. He grind da meat off dea bones.”

Songs 2:9

You goin smash um wit one iron bar, An bus um up Jalike dey ony clay pots.’ ”

Census 23:24

Look! Da peopo stan up jalike da wahine lion. Dey get ready jalike da lions, Dat no res till dey eat wat dey catch, An drink da blood.”

Census 23:22

God wen bring dem outa Egypt. Fo dem, he strong, jalike da wild cow.

Census 14:9

But eh! No go agains Da One In Charge! An no sked da peopo inside da land, you guys! Cuz us guys goin win ova dem. Da One In Charge take away da shadow dat proteck dem awready, but he stay wit us guys. No sked dem!”

Jeremiah 50:9

Cuz dis wat I goin do: I goin make some peopos come huhu an come togedda Fo make one plan fo attack Babylon town. Da armies from da big countries goin come From da north side. Dey goin make ready fo fight. Dey goin take ova Babylon from da north. Dea arrows, jalike army guys dat no goin miss, An erytime dey goin hit wat dey shoot.

Isaiah 38:13

I wait an try stay quiet inside Till morning time. But den, God go broke all my bones Jalike one lion! God, morning time I stay okay, But befo nite time, you make my life pau.

Daniel 6:24

Den da king tell his guys fo go get da guys dat wen bulai an poin finga Daniel. He tell um fo throw dem an dea wifes an kids inside da hole wea da lions stay. Dey neva even touch da bottom a da hole cuz da lions grab um an grind um up, even dea bones.

Songs 21:12

Cuz wen dey see dat you ready fo shoot dem wit arrows, Dose peopo goin turn aroun an bag! You ony goin see dea back side.

Rules Secon Time 32:42

Wen I fight, goin be Jalike my arrows stay piloot from da blood, An my sword goin eat da bodies a da ones I goin kill An da prisonas bodies too, An da heads dat get long hair a da army guys dat stay agains me.”

Rules Secon Time 32:23

“I goin pile up plenny bad kine tings Dat goin happen to da Israel peopo, Jalike I goin shoot all my arrows at dem.

Rules Secon Time 7:1

“Wen yoa God, Da One In Charge, bring you guys inside da land fo take um ova, he goin throw out plenny peopos from in front you guys—da Het peopo, da Girgash peopo, da Amor peopo, da Canaan peopo, da Periz peopo, da Hiv peopo, an da Jebus peopo. Dass seven diffren kine peopos dat get mo plenny peopo an stay mo strong den you guys.

Census 21:5

Dey grumble bout God an Moses. Dey tell, “How come you bring us guys outa Egypt? Fo make us mahke inside da boonies, o wat?! No mo bread! No mo watta! An us hate dis no good kine manna food!”

Matthew 2:15

Dey stay dea till Herod mahke. Wen all dis happen, was jalike Hosea wen tell, da guy dat talk fo God long time befo time, “I tell my boy fo come outa Egypt.”

Joshua 2:10

We hear dat Da One In Charge wen dry up da Red Sea fo you guys wen you come outa Egypt. An we hear wat you guys wen do to da two kings fo da Amor peopo da odda side a da Jordan Riva, Sihon an Og—you guys wen wipe um out jalike dey one sacrifice fo Da One In Charge.

Outa Egypt 23:22

You guys betta lissen real good to wat he tell, an do eryting I goin tell you fo do. You do dat, den I goin go agains da peopo dat go agains you. I goin fight da peopo dat goin fight you.

Songs 45:6

God give you da right fo sit On top yoa throne foeva, Cuz you do eryting da right way. An dass how come You carry da spesho stick Dat show you da king.