Census 24:10 - Hawaii Pidgin Bible

¹⁰ Balak come real huhu wit Balaam. He poun his hands togedda an tell, “I wen tell you fo come ova hea fo put kahuna on top da peopo dat come agains me! But you, wat you wen do?! Three time awready, you tell Da One In Charge fo do good tings fo dem!

Census 24:10 Referans Kwoze

Ezekiel 21:14

“ ‘Eh! Fo Real Kine Guy! So den, talk fo me. Clap yoa hands togedda. Let da sword wack peopo Two-three time. Az one sword fo kill, One sword fo kill choke plenny peopo. No can figga wea da buggah come from!

Census 23:11

Balak tell Balaam, “Wat you stay do to me! I wen bring you ova hea fo put kahuna on top da peopo dat stay agains me! So, wassup?! You stay tell God fo do ony good tings to dem!”

Ezekiel 22:13

“Fo shua I like punch somebody out cuz I stay piss off, cuz a da dirty money you guys make, an da way you guys kill yoa peopo.

Ezekiel 21:17

Me, Da One In Charge, goin clap my hands togedda too Fo tell da killa guy fo use da sword. An den, I goin tell um res, Cuz den I no goin stay huhu no moa. Az me Da One In Charge wen tell all dis.’ ”

Job 27:23

Jalike da wind clap hands an make fun a dem, An hiss wen he blow um outa dea place.”

Nehemiah 13:2

Cuz long time befo, wen da Israel peopo come outa da boonies, da Ammon an Moab peopo neva go out fo meet da Israel peopo an tell um aloha an give um bread an watta. Dey wen pay Balaam fo put one bad kine kahuna on top da Israel peopo. But oua God wen take da bad ting Balaam like do an make um come good.

Census 22:17

Cuz I goin pay you plenny. An I goin do eryting you tell me fo do. Go come put kahuna on top dose peopo fo me!’ ”

Census 22:11

‘You know wat? One peopo dat wen come outa Egypt stay cova da land. Now come put kahuna on top dem fo me. Maybe den I can fight dem, an make dem get outa da land.’ ”

Census 22:6

So den, try come put kahuna on top dose peopo, cuz dey too strong fo me. Maybe den I can win ova dem an make dem go outa da land. Cuz fo shua wen you tell God fo do good tings fo peopo, he make good tings happen fo dem, an wen you put kahuna on top peopo, God make bad tings happen fo dem.”

Census 24:9

Jalike one lion Dey crawl an lay down. An jalike da wahine lion, Nobody like wake her up! “Da ones dat talk good bout you guys, I like good tings happen to dem. Da ones dat try put kahuna on top you guys, I like dem get kahuna on top dem!”

Census 24:11

Now get outa hea fas! Go home! I wen tell you I goin pay you good, but Da One In Charge hold you back from get yoa pay!”

Rules Secon Time 23:6

No make one deal fo come frenz wit da Ammon o da Moab peopo fo do good tings fo dem, eva!

Jesus Guys 11:10

Da angel tell dat three time, an den da sheet go back up to da sky.