Census 23:24 - Hawaii Pidgin Bible

²⁴ Look! Da peopo stan up jalike da wahine lion. Dey get ready jalike da lions, Dat no res till dey eat wat dey catch, An drink da blood.”

Census 23:24 Referans Kwoze

Start 49:9

Judah, he jalike one young lion. He come big cuz he kill meat fo eat. Jalike da lion, he lay on top da groun, Ready fo jump an kill all da animals. Jalike da lion, no mo nobody goin make um stan up!

Start 49:27

“Benjamin! His ohana goin be jalike one wild wolf dog dat go afta da animals. Morning time, he eat da meat he wen kill. Evening time, he half half wit his army guys da stuff he wen steal.”

Jesus Show 5:5

But one older leada guy tell me, “Eh, brah! No need cry! Look! Christ, God Spesho Guy! Jalike da Bible tell from befo time, he jalike one Lion! He da King dat come from da Judah ohana! He da Main One dat come from King David. He wen win ova da bad kine stuff, so he get da right fo broke da seven wax kine seal, an open da paypa!”

Zekariah 12:6

“Dat time I goin make da Judah leada guys come jalike one fire pan wit hot coals dat make one big stack wood burn, an jalike one torch dat burn up da wheat afta dey harves um. Dey goin burn up all da peopo dat stay aroun dem, but da Jerusalem peopo goin stay safe.

Census 24:17

“I see him, but az not fo now. Wat I see, no stay nea. One star goin come out from da Jacob peopo. One king goin come from da Israel peopo. He goin smash da Moab peopo head, An da skulls a da Shet peopo.

Nahum 2:11

Befo time, Nineveh stay jalike one cave Wea da strong lions live, Wea dey feed dea bebes, Wea da lion an da wahine lion go, An dea bebes no need stay sked a notting. But wea Nineveh stay now?

Amos 3:8

Wen da lion make big noise, you betta come sked! Wen Da One In Charge a us guys dat talk fo him tell someting, Us guys betta talk fo him!

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Isaiah 31:4

Dis da ting Da One In Charge tell me: “Jalike how da lion make noise Wen he catch one sheep, An jalike peopo call plenny sheep guys Fo come help dem catch da lion, But da lion, he no sked dem. He no kea dat dey stay yell, No bodda him dey make big noise. Same ting, wen Da One In Charge, Da God Ova All Da Armies, come, He goin come down an fight, An no sked, jalike da lion, On top da hill wea da Temple stay.

Smart Guys 30:30

Da lion, from all da animals, He da mos strong one, An he no turn aroun an run away from nobody.

Songs 17:12

Dem guys, dey jalike hungry lions dat like rip me up. Jalike da young lions hide an wait fo make one kill.

Rules Secon Time 33:20

Dis wat Moses tell bout da Gad ohana: “I like peopo tell dat Da One In Charge do good kine stuff fo dem Cuz he make da Gad ohana land mo big. Dey live dea jalike one lion Dat can take off yoa arm O even da skin from yoa head.

Census 23:25

Den Balak tell Balaam, “Den no put kahuna on top dem, an no tell dat God goin do good tings fo dem too!”

Nahum 2:12

Da strong lion wen kill enuff food fo da bebes, An enuff fo da muddah lions. Dey fill up dea cave wit da animals dey wen kill. Az jalike how da Nineveh peopo wen stay.

1 Kings 10:20

On top ery step, get one lion statue dat stan one side, an anodda lion statue dat stan da odda side, dass twelve lions on top da six step. Da odda countries neva make notting like dat fo dea king guys.

2 Records 9:18

Da throne get six step, an one gold stool fo da king feets dat stay part a da throne. On two side a da throne get places fo res da arms, an one lion statue standing one side an anodda lion statue da odda side.