Census 23:20 - Hawaii Pidgin Bible

²⁰ Da One In Charge tell me fo tell you, Dat he goin do good tings fo da Israel peopo. He da One tell dat, An I no can change um!

Census 23:20 Referans Kwoze

Census 22:12

But God tell Balaam, “No go wit dem. You betta not put kahuna on top dose peopo! Cuz I do plenny good kine tings fo dem.”

Start 12:2

“Da peopo dat goin come from you, Bumbye I goin make dem come one big, importan nation. Dey goin get good rep An make good tings happen to odda peopos. I goin make you one big name guy, An you goin make good tings come fo odda peopo.

Start 22:17

I goin make eryting come good fo you fo real kine. Da peopo dat goin come from you bumbye, I goin make dem come choke plenny peopo, jalike get plenny stars inside da sky an plenny sand on top da beach. An dey goin take ova da towns wea da peopo dat stay agains dem live.

Isaiah 43:13

“An from long time befo time, I God. Wen I use my powa, No mo nobody can make me stop. Wen I do someting, No mo nobody can change um An make um jalike was befo time.”

Census 22:18

But Balaam tell da guys dat work fo Balak, “No matta Balak even give me his palace fill up wit silva an gold, I no can do notting big o small, dat stay mo den wat my God, Da One In Charge, tell me fo do.

1 Peter 1:5

You guys trus God, an he get plenny powa fo proteck you guys. He take kea you guys, an he no let nobody hemo you guys from him. Wen da las day come, he goin show how he wen get you guys outa da bad kine stuff you wen do.

Census 22:38

Balaam tell, “Eh! I hea by you awready! But you figga I can tell jus anyting, o wat?! No way! God goin put da words inside my mout, an dass da ony ting I goin tell!”

Start 27:33

Isaac, he shake all ova an come real sked. He tell, “Den, who da odda guy dat wen hunt wild meat an bring um by me? I awready eat all dat meat befo you wen come hea, you know. An den, I wen do someting spesho fo him an tell all da good tings dat I like Da One In Charge do fo him bumbye! An wat wen happen in dis spesho ceremony gotta stay lidat foeva! Az ony fo him.”

Census 6:27

Az how da pries guys goin give da Israel peopo my name, an I goin do good kine stuff fo dem.”

1 Records 17:27

Now you stay good inside fo do good kine tings fo me yoa worka guy an my ohana. Dass how my ohana goin stay in front you foeva. Cuz you Da One In Charge, an you wen promise fo do good stuff fo dem. An goin stay lidat foeva!”